|
 |
 |
 |
|
رقم المشاركة : ( 1 )
07 - 04 - 2026, 02:38 PM
|
|||||||||||
|
|||||||||||
|
👑شهداء مصر بليبيا ✝️ الشهيد/ ملاك ابراهيم سنيوت ************************** ١- ولد فى ٩ سبتمبر ١٩٨٦ بقرية العور بسمالوط بالمنيا وحصل على الابتدائية فقط ولم يكمل تعليمه وله ٤ اخوات وهو ابن عم جرجس ميلاد سنيوت احد شهداء ليبيا برضو ❤ ٢- كان متزوج وله ابن واحد اسمه فيلوباتير واضطر يسافر ليبيا مرتين لتحسين دخله وقبل سفره ليبيا المرة التانية .. حذره الراهب بفنودة الصموئيلى من السفر لان ليبيا فيها متاعب .. فرد عليه الشهيد لو المتاعب دى هى استشهادى فأنا جاهز ولما حذرته مراته من السفر ...قالها رب هنا رب هناك واحنا غرباء عن العالم دا ❤ ٣- وفى مرة اتصل الشهيد ملاك بمراته اثناء وجوده بليبيا وحكالها انه فى راجل ليبى طلب ابنيله حوش ببيته واثناء شغلى ..شاف وشم العدرا على دراعى ...فقالى انت مسيحى ..فرديت ايوة ... فقالى الليبى انا ممكن اقتلك ..فرديت عليه وقولتله ياريت تقتلنى واستشهد على اسم المسيح .. فراح مسك مسدسه وضرب كام طلقة بين رجلي عشان يخوفنى ولكنى ما خوفتش ❤ ٤- وبتحكى مراته وتقول انه اثناء اختطافه فى ليبيا..كانت حزينة وبتعيط ...فظهرلها الشهيد ملاك فى رؤيا راكب على حصان وجالها لحد بيتها ...فقالها اطمنى وماتخافيش ولما قالتله وفين ابن عمك جرجس؟...قالها انا رايحله دلوقت واختفى❤ ٥- وذكرت مراته انه بعد رؤيتها لفيديو استشهاده ...حاولت تنتحر بتناول اقراص كتيرة .... واتنقلت للمستشفى وكانت حالتها خطرة... ولكن الشهيد ملاك ظهرلها فى اليوم التالت ولابس تونية بيضاء وعلى راسه اكليل وقالها ماتعيطيش ...احنا فى مكان جميل جدا ..وبعد الرؤيا دى ...خفت ولما الدكاترة شافوها كويسة...استغربوا...فحكتلهم عن الرؤيا ❤ ٦- وحكت ايضا مراته انه فى موتوسيكل وقع على ابنها وكان هيموته...ولكن الشهيد ملاك وابن عمه الشهيد جرجس ظهروله وانقذوه من الموت وقاله ابوه الشهيد ملاك ...قوم يا ابنى ...ماتخافش❤ ٧- وذكرت ايضا مراته انه مرة وقع الشباك على ابنها وراسه اتفتحت وسال منها دم كتير وامه اترعبت وطلبت شفاعة جوزها الشهيد...فظهر الشهيد لابنه وقاله ماتخافش هتبقى كويس ..وبالفعل فيلوباتير خف❤ ٨- وذكرت مراته ايضا انه بعد استشهاده كانت بتشوف حمام ابيض كتير بيطير حوالين بيتهم وبيكتر الحمام يوم عيد ميلاد الشهيد وكأن السماء فرحانة بيوم ميلاده❤ بركة صلوات الشهيد ملاك فلتكن معنا ... امين🙏 
|
 |
|
العرض العادي
