|
 |
 |
 |
|
رقم المشاركة : ( 1 )
05 - 04 - 2026, 12:44 PM
|
|||||||||||
|
|||||||||||
|
👑 شهداء مصر بليبيا ✝️ الشهيد / جرجس سمير (الغول) **************************** ١- ولد فى ١ اكتوبر ١٩٩١ بقرية سمسوم بمركز سمالوط بالمنيا وله اخان وحاصل على دبلوم زراعة 👍👍 ٢- كان محبا للصلاة ويتمنى الاستشهاد واضطر يسافر ليبيا لتحسين دخله ٣ مرات وفى المرة التالتة قبضت عليه داعش يوم ٣ يناير ٢٠١٥ مع المجموعة التانية للشهداء واللى ضمت ١٣ شهيد ❤❤ ٣- ذكر احد حراس السجن اللى كان محبوس فيه الشهيد جرجس مع اخواته ...انهم لقبوه بالغول لانه كان شجاع وقوى وكان دايما بيزعق فى الدواعش وبيقولهم احنا مسيحيين ومش خايفين منكوا واخركوا انكوا تقتلونا ولكن ارواحكوا مالكوش سلطان عليها والدواعش كانوا بيخافوا منه ... وكان دايما بيقوى اخواته على تحمل العذابات وكان يقولهم ... اللى بيرعى اهاليكوا وانتوا هنا ...هيرعاهم وانتوا فى السماء ...وكان يسألهم تحب يتقال لعيالكوا انتوا ولاد فلان ولا ولاد الله ؟؟...فكانوا يجاوبوه اولاد الله طبعا... وطلب من داعش انهم يقتلوه اخر واحد لانه كان عايز يطمن ان كل اخواته استشهدوا قبله ولم يضعفوا وينكروا ايمانهم بالمسيح ❤❤ ٤- وذكر كمان هذا الحارس ...انه اثناء صلاة الشهداء ولما يقولوا كيرياليسون ..فكان السجن بيتهز ... وكان بيظهر وسطيهم ناس غريبة ...زى واحد راكب حصان وواحد شايل سيفين وواحد معاه جملين (كان يقصد مارجرجس وابوسيفين ومارمينا بيظهروا وسطيهم)... فدا كان بيرعب الدواعش من الشهداء الاقباط ❤❤ ٥- ذكر والد الشهيد جرجس انه ظهرله بعد استشهاده اربع مرات ومنهم مرة قاله ماتعيطش يا ابويا ...انا فى مكان جميل وهتشوفنى كتير ❤❤ ٦- ذكرت والدة الشهيد انها اثناء اختطافه ..طلبت شفاعة العدرا ...فظهرتلها العدرا وعطتها صورة سودا ....فعرفت ام الشهيد ان ابنها مش راجع تانى 😔😔 ٧- ذكرت خالة الشهيد انه ظهرلها فى حلم وقالها بعد يومين هاجى اخد جدى وبالفعل جده توفى بعد يومين ❤❤ ٨- حكت احدى السيدات انها ماكانتش بتخلف وطلبت شفاعة الشهيد جرجس ...فظهرلها فى حلم وقالها ربنا هيديكى اولاد وبالفعل ربنا عطاها ابن بعد ٩ شهور بالظبط من وعد الشهيد جرجس❤❤بركة صلواته فلتكن معنا ... امين🙏 
|
|
العرض الشجري