|
 |
 |
 |
|
رقم المشاركة : ( 1 )
05 - 04 - 2026, 12:47 PM
|
|||||||||||
|
|||||||||||
|
👑 شهداء مصر بليبيا ✝️ الشهيد/ لوقا نجاتى **************************** ١- ولد فى ٨ يناير ١٩٨٧ بقرية منشاة منقطين بمركز سمالوط بالمنيا وحاصل على دبلوم صنايع وله ٣ اخوات 👍 ٢- كان متزوج وله ابنة وحيدة اسمها مريم وماشافهاش للاسف لانها اتولدت وقت سفره الى ليبيا 😔 ٣- ابوه قال انه سماه لوقا على اسم لوقا الانجيلى لانه زوجته كانت متعثرة فى ولادتها ...فذهب ابو الشهيد لوقا للكنيسة للصلاة من اجلها وكان انجيل لوقا هو الذى يقرا بالقداس وقتها ...فقال لربنا سهل ولادة مراتى ولو ولدت هسمى المولود لوقا وبالفعل اتسهلت ولادتها وسمى ابنه لوقا ❤ ٤- الشهيد لوقا كان دايما يقول للخدام فى كنيسته انا مستعد للاستشهاد على اسم المسيح بالدم ❤ ٥- اثناء وجوده بليبيا ...اتصل بيه صديق من مصر وقاله اجمع اخواتك المسيحيين وانزلوا على مصر لانى سمعت ان داعش هتقبض على المسيحيين بليبيا ...فرد عليه الشهيد وقاله ومن امتى احنا كمسيحيين بنخاف من الاستشهاد ... وبالفعل قبضت داعش عليه ضمن المجموعة الاولى للشهداء واللى شملت ٧ شهداء فى يوم ٢٨ ديسمبر ٢٠١٤ واستشهدوا مع بقية اخواتهم فى ١٥ فبراير ٢٠١٥ ❤ ٦- ذكرت زوجة اخو الشهيد لوقا ان ابنها وقع من سلم الدور التانى على الارض بعد استشهاد الشهيد لوقا بتلات ايام وصرخت ...وكل اسرتها اتلموا ..وفجاة لقوا عربية الاسعاف جاية ..والمسعفين بيسألوا فين الطفل اللى وقع؟؟... فسألوهم الاسرة ...مين قالكوا على الطفل؟.. فقالوا فيه شاب لقيناها على اول القرية بيقولنا فى طفل وقع وركب معانا لحد ما وصلنا ليكوا وبعدها اختفى ... فراح اخو الشهيد وراهم صورة الشهيد لوقا وقالهم هو دا الشاب اللى ركب معاكوا؟... قالوله هو دا فعلا .. وبالفعل تم انقاذ الطفل❤ ٧- ذكرت احدى قريبات الشهيد لوقا ..انها ماكانتش بتخلف ...فطلبت شفاعة الشهيد ..فظهرلها فى رؤيا وشايل طفل حديث الولادة وعطاهولها وبعدها حملت تلك السيدة فى تؤام واسمتهم لوقا ومينا ❤ بركة صلوات الشهيد لوقا فلتكن معنا ... امين 🙏 
|
|
العرض الشجري