|
 |
 |
 |
|
رقم المشاركة : ( 1 )
05 - 04 - 2026, 12:35 PM
|
|||||||||||
|
|||||||||||
|
👑 شهداء مصر بليبيا✝️ الشهيد/ ماجد سليمان +++++++++++++++++++ ١- ولد فى ٢٤ اغسطس ١٩٧٣ بقرية العور مركز سمالوط المنيا ويعتبر تانى اكبر شهداء ليبيا سنا بعد الشهيد تواضروس وله اربع اخوات وماكملش تعليمه عشان كان بيساعد ابوه فى العمل 👍👍 ٢- كان متزوج وله ٣ ابناء وهم فيفى وصموئيل وميرنا وكان بيحبهم جدا واصر انه يعلمهم تعليم عالى وبالفعل كلهم التحقوا بكليات مختلفة 👍👍 ٣- كان متسامحا جدا وامينا لدرجة انه فى مرة وجد شنطة صراف مليانة فلوس واصر ينتظر فى مكان ما لقى الشنطة عشان يرجعها للصراف وبالفعل الصراف رجع واخدها منه وشكره وقاله خد منها الفلوس اللى انت عايزها تقديرا لامانتك ولكن الشهيد ماجد رفض ياخد اى مليم منها ❤❤ ٤- اضطر يسافر ليبيا ٣ مرات لتحسين دخله وفى المرة التالتة ...داعش قبضت عليه ضمن المجموعة التانية للشهداء واللى ضمت ١٣ شهيد ودا كان فى ٣ يناير ٢٠١٥ واستشهدوا مع بقية اخواتهم فى ١٥ فبراير ٢٠١٥ ❤❤ ٥- ذكرت زوجة الشهيد انه كان بيشتغل مع صديق مسيحى عند واحد ليبى متعصب وبعد ماخلصوا شغل عنده ... سأل الليبى الشهيد ماجد ...انت مسيحى ...فقاله ايوة ووراله الصليب بايده ... وسأل زميله التانى انت مسيحى ...فخاف وانكر وغير اسمه... فراح الليبى عطى الشهيد ماجد اجرة الشغل تقديرا لشجاعته وامانته ...ورفض يدى زميله الاجرة لانه جبان.... وبعد كده اصر الشهيد ماجد يدى نصف اجرته لصديقه المسيحى وقاله خد الفلوس دى واوعى تنكر مسيحك تانى ❤❤ ٦- ذكرت زوجة الشهيد انه ظهرلها بعد استشهاده وقالها عاملين ايه ؟ فقالتله مش عارفين نعيش من غيرك ...فقالها ماتخافيش انا معاكوا علطول ومش سايبكوا ابدا ❤❤ وبعد هذه الرؤيا ... اسرة الشهيد ماجد شافوا حمامة بيضاء كبيرة بتطير حوالين بيتهم وتكرر ظهورها❤❤ بركة صلوات الشهيد ماجد فلتكن معنا ... امين 🙏 
|
|
العرض الشجري