|
 |
 |
 |
|
رقم المشاركة : ( 1 )
11 - 06 - 2022, 12:40 PM
|
|||||||||||
|
|||||||||||
|
آفة الإنسان اللسان ..  هو بيت الداء و اصل كل بلاء.. مش لمجرد لفظ اتقال ، ده لان الكلام عصارة الفكر و انعكاس للقلب و مرآة للنفس .. فيه ناس بلوتها فى لسانها : شتيمة و اهانة و تنمر و إدانة و قسوة . الملخص "لسانها متسلط عليها" ، و سر كل بلاويها !! و ما حدش يقول "بس قلبها ابيض" ابدا !! لو قلبها ابيض يبقى لسانها لازم يبقى ابيض ، و الا نشتم و نقول كنت " باهذر" او ندين و نقول " ما قصدتش " او نتطاول و نقول "معلش" .. و برضه ما حدش يقول "اصل انا صريح" و يبهدل الناس و الا تبقى صراحة جارحة .. الصراحة معاها أدب و احترام و كياسة و ذوق .. الصراحة اللي تحبب الناس فيك و فى كلامك تبقى صراحة صالحة .. و فيه ناس تانية ربنا باركلها فى لسانها ، بينقط سكر ، ما يعرفش العيبة، و ما يطلعش غير كل بركة و ما يقولش كلمة تزعل حد ابدا .. ناس قلبها حلو و كلامها احلى ، من كتر حلاوته ما تبقاش عاوزها تبطل تتكلم.. ناس الياسمين مستلف منها ريحته ، و العسل مستلف منها طعمه .. ناس بطعم السما و طلة الورود ، مريحة زى النسيم العليل ما يخفف عنك عناء النهار .. ناس ربنا خللى لسانها مصنع حب للكل و طاقة فرح للدنيا .. 
|
 |
|
| قد تكون مهتم بالمواضيع التالية ايضاً |
| الموضوع |
| الإنسان ذى اللسان الغاش الكاذب |
| سلامة الإنسان في حلاوة اللسان |
| سلامة الإنسان في حلاوة اللسان |
| اللسان في حياة الإنسان |
| سلامة الإنسان في حفظ اللسان |
العرض العادي
