| |
|
|
|
|
|
||||||
|
|
أدوات الموضوع | انواع عرض الموضوع |
|
#1
07 - 10 - 2016, 10:27 PM
|
||||
|
||||
|
لوكارد ده واحد من عظماء علوم الأدلة الجنائية فى العالم وهو الى أسس اول مختبر او معمل جنائى فى العالم فى فرنسا. الراجل ده أسس و صاغ نظرية أسمها تبادل المواد و بنى عليها الفكر او المبدء ده و هو ( Every contact leaves a trace ) النظرية دى بالعربي اسمها ( كل إتصال .. يترك اثرا) يعنى اى اتصال حاجتين مع بعض بيسيب أثر!! هبسط النظرية خالص (س ) قرر انه يقتل (ص )فى مكان خاص بالسيد( ع ) بواسطة ألة او أداة خاصة بالانسة (ك) و مع الخطوات دى هنلاقى ان س لما قرر انه يقتل ص فا ص قاومت و خربشتة بضوافرها مثلا فا هنلاقى ان فيه علمات من الطرفين على جسم بعض و المكان الخاص بالسيد ع بقى فيه بصمات للقاتل س و الاداة بتاعة ك برضو بقيت فيها علامات من القاتل س... فا يعنى من الاخر كدة نظرية تبادل الاشياء بتحصل ان اى حاجتين بيحصل بينهم اتصال .. فا نتيجة الاتصال ده بيكون فيه تبادل لمواد او اشياء او حتى صفات طيب ايه دخل ده بمواضيعنا فى الارتباط او التعارف حتى ؟؟ انا هقولكم و ركزوا معايا اوى و احنا بنتعرف على بعض كأصدقاء او حتى هنرتبط.. خدوا بالكم اوى اننا بنسيب على بعض اثار.. اثار نفسية.. اثار عاطفية....اثار مادية يمكن... والاسوء هى الاثار الجسدية ( لو حد قرر انه يضرب حد او يعتدى علية) بنزيد و بتقل الكارثة دى مع تبادل بعض الامور و الاحداث طيب ندى مثال : يعنى تخيل مثلا : انك خارجة مع الحد الى بتحبية و روحتوا مكان و هو فى المكان ده قالك فيه كلام حلو او عمل مواقف جميلة.. هنا بيكون الشخص + المكان + الافعال + ادوات معينة زى مثلا بتهزروا مع بعض بالمية حتى.. فا هنا فيه بصمات من حياة الشخص ده انطبعت عليك .. و هى هى نفس الفكرة مع المواقف السيئة نظرية تبادل المواد كلنا بنحط بصمات فى حياة بعض..تخيل انسان دخل حياتك و احتك بيك و خرج من حياتك بيدعى عليك ان ربنا ياخدك او ينتقم منك بسبب الى عملتو فيه!!! حاجة كدة عاملة زى ( الارتباط الشرطي) الشخص ده بيكره س الى هو انت بيكره ع الى هو المكان الى روحتوة مع بعض بيكرة ك الى هو الاشياء الى كانت بينكم نظرية تبادل المواد... من احلى و اعمق النظريات الى ممكن تفكر فيها و بنعيشها فى حياتنا اليومية... كلنا بنطبع من بصماتنا فى حياة الناس و كمان الناس بتحط من بصماتها علينا.. تفتكروا الاشياء الى بننقلها للناس دى هتكون حلوة؟ تعرفوا كام بنى ادم كرهه كااااام مكان بسبب الذكريات الوحشة الى حصلت فى المكان ده بسبب الطرف الاخر؟؟ عارفين كاااام بنت كرهت موضوع الاترتباط بسبب ان بنى ادم او اكتر.. بصموا فى حياتها بصمات بشعة كرهت من بعدها الرجالة والجواز؟؟ نظرية تبادل الاشياء كل اتصال يترك اثر.. وانت بقى.. و انتى ؟؟ اخبار اثارك الى انت سايبها على البشر ايه؟؟ كرهتى كام ولد فى البنات و فى الارتباط؟؟ و انت كرهت كام بنت فى الجواز و الارتباط بسببك؟؟ هاااا... رد كل اتصال يترك اثر... مش كدة؟؟ اتفضل حضرتك... و اتفضلى حضرتك.. من النهاردة خلى انطباع اثرك فى حياة الناس هو اثر جميل.. محترم....راقي... محب... و الا هتكون جانى فى نظر كل الى هيتعاملوا معاك طول العمر الخلاصة... كل اتصال .. يترك اثرا سيب اثار حلوة فى الى حواليك نظرية لوكارد فى نقل المواد 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| نظرية بلع الزلط | walaa farouk | قسم تطوير الذات | 1 | 10 - 07 - 2021 02:54 AM |
| الإيمان ليس نظرية | walaa farouk | مواضيع وتأملات روحية مسيحية | 0 | 01 - 12 - 2019 08:20 PM |
| نظرية الستر | sama smsma | الخطية وحروب عدو الخير | 2 | 07 - 05 - 2017 06:23 PM |
| نظرية الإنفراد مقابل نظرية التآزر – أيها الصحيح؟ | Mary Naeem | أسئلة فى الطقس | 2 | 04 - 03 - 2017 12:24 PM |
| نظرية لوكارد والارتباط | Rena Jesus | شبابيات الفرح المسيحى | 7 | 16 - 09 - 2016 06:48 AM |
العرض الشجري