نظرية بلع الزلط

[walaa farouk]

المثل العبقري "حبيبك يبلع لك الزلط و عدوك يتمني لك الغلط
" ، فيه كتير قوي من المعاني النفسية الراقية ..

مهما كنت او حاولت تتعامل مع الناس بالعقل و المنطق و الحوار ، اذا ما وصلتش قلبهم، يبقي كل اللي عملته راح هدر ..

القلب مدخل العقل ، و حب الناس ليك هو سر تعلقهم و طاعتهم و احترامهم..

و آه لو كان لسانك سكر و كلامك حلو ، و فعلك و تعبك و خدمتك من القلب ، و اخلاصك حقيقي و امانتك في معاملاتك صادقة ، و تشجيعك حقيقي ، و كلامك في غيابهم كله احترام ، يبقي انت دخلت القلوب و سكنت و اتربعت ..

بعد كده كل العلاقات ح تنجح و ح تشوف من اللي بيحبوك العجب
و من غير اي مجهود ..

غير كده مفيش اي نتيجة لأي علاقة من غير حب ..

و لو فاكر ان العافية و العنف و الخناق و التخويف بينفع تبقي واهم..
ح يعملوا بس نفسهم بيحترموك و يحبوك، و يشيلوا لك الكره في خانة الذكريات السودة، و عند أول فرصة يستضعفوم ح تشوف منهم الغضب و الغل و التشفي و الانتقام المعنوي ..

و الناس يا ح تضربك بالزلط، يا ح تبلع لك الزلط !!

اكسب حب الناس علي قد ما تقدر ، يشيلوك في عينيهم العمر كله..

[Haia]

مفيش اي نتيجة لأي علاقة من غير حب ..

هذا صحيح