مش بس في الزحمة

[walaa farouk]

في مقولة قالها أبونا مكاري👇

قلل كلامك مع الناس وعن الناس وأتكلم مع ربنا

بص هي صعبة بس عايز أتعلمها معاكم
حوالينا ناس في كل حتة الشغل والبيت أو أصدقاء
وأوقات بروح أحكي معاهم واجري عليهم أول حاجة
بس لما بيحصل حاجة شخصية قوي باحس وقتها متلخبط أحكي ولا لا، ممكن محدش يفهمني، مش هيحسوا بيا🥺

لكن في شخص بيفهمني ومتاح ليا طوال الوقت
ولا هو مشغول ولا عنده مناسبات مينفعش يرد عليا فيها ولا هو مضغوط فأحس إني بتقل عليه ولا هو منعدوش إجابة

لا لا ده متااااااح وبياخد باله من كل تفاصيل الأزمة
ومشتاق يسمع صوتي وانا بكون تلقائي معاه☺️
عايز النهاردة أشجعك مهما كان حواليك زحمة، إنك تزود كلامك معاه ودايماً تبص عليه وتقرر أول واحد تروح تحكيله هو يسوع

ماعاشرتوش_تبقى_متعرفوش