اخر يوم فى حياه القديس البابا كيرلس السادس
يوم 8 مارس بليل استدعى البابا كيرلس اب اعتراف اديره الراهبات ووصاه على الراهبات خلى بالك يابنى منهم وخد بركتهم ومتسبهمش ابدا ونفس الليله يحكى لنا احد الاشخاص المقربين للبابا كيرلس انه حلم بليل البابا كيرلس يقول له تعال وصلنى يابنى قاله فين يا سيدنا قاله انا مسافر خلاص وفعلا يوم 9 مارس تنيح البابا كيرلس ...
يوم 9 مارس نياحه البابا كيرلس استيقظ البابا كيرلس بدرى جدا وصلى صلاه باكر والتسبحه وريح شويه وبعدين راح المقر رئيسات اديره الراهبات واعدو مع البابا كيرلس شويه والبابا كيرلس اوصاهم خلى بالكم من نفسكم وبناتكم والاديره انا مسافر خلاص ..سالوه الامهات رايح فين يا سيدنا وبعدين احنا محضرناش شنطه هدومك قال لهم السفريه دى مش عاوزه لبس بعد ما قال كده بكت تماف ايرينى رئيسه دير ابو سيفين قال لها البابا بتبكى ليه قلت له قداستك هتسيبنا ليه يا سيدنا قالها انا هكون معاكم مش هسيبكم وسلمو على قداسته ومشيو بعد كدا جه زوار للبابا كيرلس سلمو عليه من بينهم كهنه واخر واحد مشى البابا كيرلس رفع صليبه وقال ربنا يدبر اموركم ربنا يرعاكم ودخل غرفته وهو داخل الغرفه حصل هبوط فى الدوره الدمويه وداخ وكاد ان يسقط على الارض جرى عليه تلميذه ابونا متياس البراموسى حاليا وسنده للسرير وصرخ البابا كيرلس فارق الحياه وفعلا جرى الاباء الكهنه وجدو البابا كيرلس فارق الحياه القلب الحنين اللى كان يحتوى اولاده ويحن عليهم توقف لكن الروح تعمل الى الابد فى كنيستنا وشفاعته تشملنا وتفرحنا ويحكى لنا ابونا القمص يوحنا فؤاد انه كان من ضمن اول 4 كهنه يعلمو بخبر نياحه البابا وكان قرب البطرخانه وتوجه سريعا لها وقال لى شخصيا البابا كان نايم على السرير متنيح كانه انسان نايم لابس جلبيه بنى اللون وطاقيه راس بيضاء اللون وقفنا الاباء الكهنه جنبه نقرا مزامير ونقبل ايده الى ان جاء المطارنه والبسوه ملابس الكهنوت ووضعوه على كرسى الرعايه للشعب ياخذ بركته صلواتك يا ابى تفرحنا وتشملنا اكسيوس اكسيوس اكسيوس افا كيرلس بى ماسوؤ
11 - 03 - 2021, 04:07 PM
العرض العادي
