|
 |
 |
 |
|
رقم المشاركة : ( 1 )
21 - 12 - 2020, 07:15 AM
|
|||||||||||
|
|||||||||||
 رأي كلمة الله ان كل انسان كداب ، تخيل ؟؟ أنا قلت في حيرتي: «كل إنسان كاذب».. (المزامير ١١٦: ١١) عارف ليه؟؟ لانك بتكذب و انت بتقول علي امكانياتك و ممتلكاتك و سُلطاتك.. بتقول ان عندك ارض او بيت أو عربية أو حساب في البنك ، أو حتي ساعة أو قميص.. الكلام ده كذب .. ما تقولش "عندي" ، قول عندي "الان" .. في الماضي ما كانش ملكك كان ملك غيرك ، صح ؟؟ من سنين شقتك كانت ملك والدك و قبله جدك و قبله بسنين كانت حتة ارض ملك لحد تالت و من سنين اكتر كانت ملك حد من التاريخ القديم "الفراعنة مثلا" !! و جايز ما كانتش ملك حد يعني ارض بور أو صحراء .. برضه في المستقبل - بعد عمر طويل- اللي عندك ح يتنقل لأولادك و احفادك و جايز لناس تاني ما لهمش علاقة بيك أصلا.. السلطة برضه "كدبة" .. لو قلت انك كبير أو مدير أو حتي غفير ، ده "دلوقتي" .. امبارح كان غيرك في مكانك .. و بكرة مكانك ح يروح لغيرك ، يا بالاقالة أو بالاستقالة أو بالمرض أو العجز أو- بعد عمر طويل- بنهاية حياتك.. يبقي احنا نحرس ما لا نملك ، و نتسلط علي ما لا يدوم .. صح ؟؟ الوحيد اللي اتقال عليه "أمس و اليوم و الي الابد" ، و أيضا ""الكائن الذي كان و الي الأبد " هو الله تبارك اسمه ، مالك الارض و السماء و صاحب السلطان الاعلي فوق الجميع .. يبقي درس اليوم : للي فاكر انه "يملك" شيء يعرف أن ما لديك منحة من صاحب النعم الأعلي، و يتقي الله فيما عنده و يكرم الناس و يجزل لهم العطاء .. و للي فاكر نفسه "في سلطة" ، يعدل في سلطانه ، و يراعي ربنا في كل ما يفعل .. لان حقيقي : الملك لله.. 
|
 |
|
العرض العادي
