شخصيات كتابية نتعلم منها ( نابوت اليزرعيلي )

[walaa farouk]

نابوت اليزرعيلي
معنى اسمه نبات
شخصية نابوت تجسد قصة الظلم وان القوة والنفوذ تقدر تجرم البرئ
لكن برغم كده تظهر عدل الله والدفاع عن المظلوم حتى من الملك شخصيا
الحقيقة كل ما أقرا الأصحاح 21 من سفر الملوك الأول اقف قدام شخصية نابوت
وربنا أراد الوقت اللي نتكلم عنه ونتعلم منه
1- نابوت والتمسك بالوصية
يمكن أي واحد اتعرض عليه عرض الملك
عندك حتة ارض زارعها عنب جنب قصر الملك
والملك عايزها وقالك هشتيرها منك بأي تمن
ولو عايز ارض بدالها اديلك في أي مكان
وبدأ التفاوض لغاية ما وصل لأعلى سعر وأكبر قطعة أرض ممكن ياخدها
لكن نابوت تمسك بالوصية بعدم بيع ميراث أجداده
2- نابوت القوي
كانت ردوده أمام الملك ورسل الملك قوية
لأن مقارنة تنفيذ الوصية ولا أمر الملك بالنسبة ينفذ الوصية أو الموت
3- نابوت رمز للمسيح
نابوت كان مظلوم وحكم عليه ظلم انه مذنب ولكن ذكر الكتاب عنه انه ساكت
زي ما قيل عن السيد المسيح " كشاة تساق إلى الذبح وكنعجة صامتة أمام جازيها فلم يفتح فاه"
4- نابوت وعدل الله
بسبب ظلم نابوت حكم الله حكم قاسي على أخاب وإيزابل
أخاب يموت وتلحس الكلاب دمه في نفس الحقل اللي اخده من نابوت
وإيزابل تموت وتأكلها الكلاب
تعالوا نطبق اللي اتعلمناه
1- تمسك بالوصية مهما كانت عواقبها لأنه ينبغي أن يطاع الله أكثر من الناس
2- كن قوي في الحق ومهما كلفك دفاعك عن الحق انت الكسبان
3- لا تحزن ان شعرت بالظلم وتذكر المسيح اللي ظلم ولم يفتح فاه وتذكر نابوت وثق ان بصبرك الله يجازي
لأنه قال " لي النقمة أنا أجازي يقول الرب"