شخصيات كتابية نتعلم منها ( ادم )

[walaa farouk]

آدم
من الشخصيات الفريدة في الكتاب المقدس لأن مفيش اي اسم اتسمى بالاسم ده سواه زي حواء لما اتعلمنا من شخصيتها
تعالوا نتعلم من أبونا آدم
1- آدم صورة الله ومثاله
ودي من أعظم الصفات لانه تميز عن جميع المخلوقات انه صورة الله ومثاله
صورته في القداسة والبر والطهارة
2- آدم الصورة النقية للإنسان
لما الجهاز عندك يتملي فيروسات ويتعب تروح للمتخصص يقولك اعمل للجهاز format factory او ضبط مصنع يرجع للصورة الأولى
وأبونا آدم هو الصورة النقية الأولى للإنسان قبل ما يعرف الخطأ والشر
3- آدم سيد الخليقة
آدم كان متسلط على كل الخليقة وكل الخليقة تطيعه
حتى انه دعى كل الحيوانات بأسمائها
4- آدم العامل في الأرض
برغم انه سيد الخليقة ولكن دايما عارف مهمته هي تعمير الأرض والاهتمام بيها
تعالوا نطبق اللي اتعلمناه
1- تمسك بصورة الله اللي فيك في القداس والبر والطهارة ولا تنجر حول الفساد حتى لا تفقد تلك الصورة
2- وان فسدت تلك الصورة بالخطية اعمل ضبط مصنع لصورتك النقية الأولى بالتوبة
لأن التوبة هى ميلاد جديد
3- ان تمسكت بالله وجعلته أول اهتماماتك يجعل كل الخليقة تطيعك
وتذكر قول سليمان الحكيم" ان أرضت أعمال إنسان الله جعل حتى أعدائه يسالمونه"
4- مهما كانت مكانتك تذكر انك في خدمة البشرية والكون
اهتم بالبيئة العامة لأنك مسئول عنها
انت مسئول عن الكل بلا استثناء

[بشرى النهيسى]

مشاركه مثمره

ربنا يفرح قلبك

[walaa farouk]

ميرسى على مرورك الغالى