|
 |
 |
 |
|
رقم المشاركة : ( 1 )
07 - 07 - 2020, 09:31 AM
|
|||||||||||
|
|||||||||||
 ١- روحي : المحبة تكسب الكل ، و بنعامل الناس بنفس الحب اللي ربنا عاملنا بيها مهما كنا وحشين .. ٢-خدمة و شهادة : بتشهد عن أخلاقك و مبادئك اللي بيها بتعلن للناس عن ربنا اللي جواك و تكسبهم للسما .. ٣-تجنب الاذي : الشر من صفاته انه لما بيتساب بيتكاثر .. اوعي تكسب عداوة حد انت ما تعرفش ممكن عداوته و غله توصل معاك فين ، إهانة و شتايم و فضايح و خناقات و يمكن انتقام و قضايا .. ٤-الايام دوارة : و المثل بيقول " اللي ما تحتجش وشه اليوم بكره تحتاج قفاه " .. ممكن اللي خسرته و عاديته تلاقيه طالعلك في حتة انت مش متوقعها و تلاقي نفسك مضطر تتعامل معاه أو مزنوق له في طلب مفيش قدامك غيره .. ٥- راحتك النفسية : علشان تعرف تركز في شغلك و تعيش يومك مع عيلتك و تعرف تنام آخر اليوم نومة حلوة و عقلك هادي من غير صراعات و لا خوف من الشر المتبادل.. ٦-اللي جربوا قبلك العداوة خسروا : مفيش مشاكل من غير ضرايب نفسية و مادية و معنوية فادحة ، و مفيش عداوة وصلت لخير او سلام أو مكسب حتي لو كسبت بعض الجولات .. الصراعات آخرتها خساير مهما مخك قالك انك ح تكسب كرامة أو مواقف .. ح تبهدل مشاعرك ووقتك و صحتك في الشقاقات و ترجع في الاخر تقول "الطيب احسن" .. ٧-ارباح : اكسب صحتك و حافظ علي سلامة قلبك و اعصابك .. و اكسب كمان مواقفك قدام الناس ؛ الناس لو شافوا عنفك و تبادل الشر بالشر يمكن في وشك يوافقوك ، لكن عمرهم ما يحترموك.. يكبروك لو لقوك خلوق مؤدب صاحب المواقف السامية و اخلاق راقية و يتكلموا عليك في غيابك أحلي كلام .. ملحوظتين: الاولي : عارف ان فيه ناس مهما حاولت معاهم مش ح توصل لحاجة .. لو هم عاوزين يخسروك ماشي بس اوعي تخسرهم أو تعاديهم.. ادعي لهم و ابعد عنهم .. التانية : عامل الناس بأخلاقك مش باخلاقهم و ما تستناش منهم رد الحب بالحب.. كفاية رضي ربنا عليك و رضاك عن نفسك .. لا يغلبنك الشر بل اغلب الشر بالخير.. (رومية ١٢: ٢١) 
|
|
07 - 07 - 2020, 09:55 AM
|
رقم المشاركة : ( 2 ) | ||||
|
† Admin Woman †
|
رد: ٧ اسباب علشان ما تخسرش حد و لا تعادي حد
مشاركة جميلة جدا ربنا يبارك حياتك |
||||
|
|
|
07 - 07 - 2020, 07:38 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ٧ اسباب علشان ما تخسرش حد و لا تعادي حد
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اسباب الوباء علشان نبعد عنها ويرحمنا الرب ويرفع غضبه |
| أخسر اى فلوس ....لكن ما تخسرش نفوس |
| فى بعادي عنك |
| ما تخسرش صاحبك |
| فى بعادى |
العرض العادي
