|
 |
 |
 |
|
رقم المشاركة : ( 1 )
14 - 06 - 2020, 01:02 PM
|
|||||||||||
|
|||||||||||
 كنيستنا مش مبنيه على الوعظ والترانيم، كنيستنا بتقوم على الإفخارستيا! الأيام دي بنمر بوباء الكورونا ومش احنا بس ده العالم كله.. ربنا يرحم العالم كله وينقذ الناس! يطلع علينا النهاردة الشيطان يقولنا حاجة يشككني في أقدس شىء اللي بتقوم عليه الكنيسة سر الأسرار في ايه؟ في التناول!! يقولي يا ابونا عشان التناول بلاش المستير ده، كل واحد بيشرب من المستير، لو واحد حامل كورونا هيديه للي وراه.. شوفوا يا أحبائي، إحنا كنيسة عندها إيمان يسمونا دايما مؤمنين، وفي نفس الوقت ناخد احتياطاتنا ووقايتنا من أي حاجة.. الاحتياطات حلوة والوقاية حلوة.. يعني نقول بلاش نبوس بعض الأيام دي، بلاش نحضن بعض وبلاش السلامات (تباعد إجتماعي). بس تقولي بقى ناول الجسد مع الدم بلاش المستير!! كنيستنا بقالها سنين.. وأبونا المفروض ياخد سنة في الرسامة كده ويموت على طول، عارفين ليه؟ لأنه أكتر واحد بياخد ورا الشعب واكتر واحد ايده بتيجى في (فم) الشعب اللي عنده كوليرا .. اللي عنده طاعون.. اللي عنده كورونا.. اللي عنده فيروس سي .. اللي عنده أمراض معدية بأي شكل من الأشكال.. يعني أكتر ناس تموت بدرى بدرى هى مين؟ الآباء الكهنة.. ده زائد بقى ان ايه هو الجسد والدم؟ ايه هو التناول؟! انت فاكره قربانة اللي بتشتريها من بره دي؟؟ لا نقول هو جسد الرب ودمه يعطى لمغفرة الخطايا وحياة أبدية لكل من يتناول منه.. يدي حياة مش يدي موت! تقولي لا الناس هتموت بعد المستير! إزاي تموت ده هو ده سمة الحياة.. ده هو ده اللي بيدي الحياة. . اللي بيحميك.. يقولك يعطى خلاصًا وغفرانًا للخطايا وشفاء للنفس والجسد والروح.. بيشفي!! إن ما كانش عندك إيمان انك تتناول بهذا ما تتناولش. . ايماننا كده فيه.. أنا بقالي كذا في الكهنوت لا أنا مت ولا شفت حد مات من المستير ده!. . هل شوفنا مثلا كنيسة روسيا غيرت المستير! أوعى تفكر لو جالك تفكير كده.. قوله يخزيك الرب يا شيطان. . انت جاي تجربني تقولي لا ما تتناولش!! ده فلان عنده كورونا ولا عنده.. أو حامل لمرض كذا.. أو هينقل ليك مرض كذا.. قوله لا ده المستير ده كله منه يأخذ منه يأخد شفاء.. ياخد قوة. . ياخد بركة.. ياخد حياة أبدية.. ياخد خلاصا.. ياخد غفرانا للخطايا.. ياخد حياة.. مش موت، تقولي أصل الناس هتموت!! عشان كده سنظل ندي الجسد لوحده والدم لوحده.. كما فعل المسيح هذا السر "خذوا كلوا هذا هو جسدي واشربوا هذا هو دمي" اتناول من المستير ما تخافش.. ده يدي شفا ان أنا أخف عشان كده في ترنيمة حلوه بيقولها الشماس أثناء التوزيع بتقول: "أوصنا يا ابن داود.. يا من أتحفنا بالجود.. وأعطانا خبز الخلود .. أوصنا في الأعالي هذا هو سر الأسرار.. هذا هو فخر الأبرار.. هذا هو فرح الأطهار.. هذا هو السر العالي" اتناولوا انتوا عشان الشيطان ما يشككش.. أنا باخد حاجه كبيره فهذا هو خبز السماء.. هذا هو قوت الحكماء.. هذا هو حياة الفهماء.. من يناله لم يبالي.. هذا هو تاج الكهنوت كنيستنا مش مبنيه على الوعظ والترانيم كنيستنا بتقوم على الأفخارستيا -سر الشكر سر التناول- الليتورجيا بتاعتنا وجمالها وحلاوتها.. هى دي كنيستنا ما يجيش واحد مستنير والمستنيرين كتروا أوي الأيام دي يشكك هذا هو الخبز الفريد.. جسد الابن الوحيد.. دمه الاذكى المجيد.. صار قوتا للمواليد.. أيها الشعب المبرور.. رنموا بنغمات الحبور.. أرفعوا صوت السرور.. أوصنا في الأعالي.. أيها الشعب المختار.. هلموا بكل وقار.. كى نحظى بأبهى الأسرار! "سر خفي وعالي" أوعوا حد يفكر.. أوعوا حد يحطه في مجهر عايزين نحلل الحته دي علميًا.. لا لا لا ده مش بتاع علم ده فوق كل شىء.. ده هو جسد الرب اللي أعطاه لنا.. اللي إحنا بنحضر عليه كل قداس أتناول وأنت عندك إيمان كامل إنه يفعل كل شىء.. ربنا يبعد عننا الشياطين الكثيرة بكل أنواعها بكل حروبها خاصة شيطان التشكيك! القمص رويس مرقس 
|
 |
|
| قد تكون مهتم بالمواضيع التالية ايضاً |
| الموضوع |
| رودا والرد على التشكيك |
| شيطان الكسل " شيطان كسلان " |
| التشكيك والإنكار |
| أطرد كل شئ وروح التشكيك |
| التشكيك |
العرض العادي
