الَّذِي يُعْطِي الْمَطَرَ الْمُبَكِّرَ وَالْمُتَأَخِّرَ فِي وَقْتِهِ

[بنت معلم الاجيال]

انهارده كنت في المعمودية فوجئت بهجوم من الطبل والزغاريد بطريقة شديدة جدا"وشعرت ان البلد كلها جاية وراء الطفل المعمد .!!
سالت ليه كل ده ؟أجابت الجده :يا ابونا الطفل ده جاي بعد 17 سنة من محاولات حقن مجهري كتير وأخيرا" ربنا رزق ابني طبيعي ....
* وهنا وقفت امام عيني الآية القائلة :
الَّذِي يُعْطِي الْمَطَرَ الْمُبَكِّرَ وَالْمُتَأَخِّرَ فِي وَقْتِهِ
( ارميا ٥: ٢٤)

💦 آية غريبة فعلاً كنت بأستغرب منها ... ازاي يارب يبقي المطر مبكر او متأخر وفي نفس الوقت في وقته…؟!⁉
💧 في ناس مطرها مبكر ...
يعني ربنا بيديها كل حاجة بدري ... مبيبقاش فيه في حياتهم فترات انتظار طويلة ... مابيستنوش شغل او ارتباط او خلفة.. ايقاع حياتهم ماشي عادي او سابق غيرهم ؛ بس ده ممكن يكون بالنظرة البشرية ؛ بس بالنسبة لربنا ده وقتهم ... ده معاد مطرهم…!!!
💦 ناس تانية مطرها متأخر ...
يا اما متاخرين في حاجة واحدة او متأخرين في كل حاجة ... حاسين ان اغلب سنينهم عايشينها في انتظار طويل ... دووول بقى مطرهم متأخر....‼
💦 بس المطر المتأخر ده يمكن بيجي متأخر شوية في نظرنا ... وبيجي فجأة ... لكن بييجي بفرحة ... بييجي بغزارة ... بيقعد فترة طويلة يمطر عشان يعوض جفاف الارض والنفوس ... وكأنه بيقولهم انت كنت تستحق سنين الانتظار دي ... انا يمكن مطر متأخر ... بس هو ده وقت مطركم…!!!‼
💦 *لو مطرك متأخر في حاجة او في كل حاجة ... انتظر بثقة وايمان ميعاد مطرك من ربنا فهو الذي يعطي بسخاء و لا يعير … فسَيُعطى لك بس خليك واثق في مواعيد الله…!!!

[Mary Naeem]

لو مطرك متأخر في حاجة او في كل حاجة ... انتظر بثقة وايمان ميعاد مطرك من ربنا فهو الذي يعطي بسخاء و لا يعير … فسَيُعطى لك بس خليك واثق في مواعيد الله

في منتهى الجمال يا قمر
ربنا يباركك

[walaa farouk]

ميرسي على القصه الجميله
ربنا يفرح قلبك

[بنت معلم الاجيال]

شكرا لمروركم
نورتم الموضوع
ربنا يعوض تعب محبتكم