افحص طلبك في نور ربنا ..

[Rena Jesus]

طلبت من ربنا حاجه ..
و قعدت اصلي فيها فوق السنه و شهرين ..
و دخلت بسببها في صراعات كتير مع ربنا ..
لحد ما هو قرر يقول لأ بطريقته بعد ما ورّاني كمّيه الشر المستخبّي في طلب بطلبه بنيّه صالحه ..

طلبت من ربنا حاجه ..
لانّي محتاجاها فعلاً ..
و مش عارفه تحصل ازاي ؟
مجرّد بس ما قولتله : انت ابويا ، عولني !
سبت الطلب الصبح
استجاب في نفس اليوم بليل !

هو هو نفس الإله ..
اللي ممكن يخلّي الانسان يخبط دماغه في الحيط
عشان مش فاهم مبيستجيبش كل ده ليه ..
ممكن برضو يخلّي الانسان مذهول من سرعه استجابته !
الفكره كلها في :
حقيقة اللي احنا بنطلبه ايه ؟
و بنطلبه ليه ؟
لو مبناخدش ..
يبقي غالباً بنطلب رديّاً عشان نُنفق علي لذاتنا
لان الطلبات الصالحه فعلاً ربنا بيحققها في وقت اسرع جداً مما نطلب او نفتكر !

لو بقالك كتير مبتاخدش طلبك
افحصه في نور ربنا ..
غالباً نور ربنا هيكشفلك في طلبك ، و ان بدا صالح ، شر مريع !
اللّه اب صالح
اب بمعني الكلمه
لو قولتله هات سكينه
مش هيديهالك
و لو حاولت تاخدها عافيه
هيضربك علي ايديك و هيسيبك تتفلق ...

بينما لو قولتله : هات حضن
هينطرك زي ما بنعمل مع الاطفال لفوق
و يخليك تنزل سقوط حر في حضنه تغرق فيه..
لو قولتله جعان ، هياكّلك عسل
هيشبّعك بمن السما لو منافذ الارض فضيّت ..
اللّه صالح
و الطلب الصالح مبياخدش عنده اكتر من الوقت اللازم للإمضا!

[walaa farouk]

اللّه صالح
و الطلب الصالح مبياخدش عنده اكتر من الوقت اللازم للإمضا

ربنا يفرح قلبك

[اوفا]

اللّه صالح
و الطلب الصالح مبياخدش عنده اكتر من الوقت اللازم للإمضا!

[Mary Naeem]

هيشبّعك بمن السما لو منافذ الارض فضيّت ..
اللّه صالح
و الطلب الصالح مبياخدش عنده اكتر من الوقت اللازم للإمضا!
ربنا يبارك حياتك

[shery jesus]

يارب علمنى لما احلم تكون حسب حكمتك وخطتك لحياتى ...ربنا يبارك خدمتك الجميلة رينا

[Rena Jesus]

ميرسى لمروركم الغالى