تخيل لو أبوك سمّاك حمار

walaa farouk · رقم المشاركة : ( 1 ) 01 - 09 - 2017, 02:58 PM

تخيل لو أبوك سمّاك حمار ... وكتب فى شهادة الميلاد بتعتك حمار فلان الفلانى ...
وفى أى حته يتقالك الحمار راح والحمار جه .. ساعتها هاتمر بكذا مرحله ..
عقده نفسيه ، عدم تركيز وعدم ثقه فى نفسك نهائى .. حياتك هاتكون مثال جيدا جدا للفشل فى كل مجالات الحياه لإنك خلاص إقتنعت بإنك حمار ومالكش أى لازمه ...
هاتصدق أى نقد سئ يتوجهلك لإن الثقه بنفسك منعدمه تماماً لإنك حمار 😁
وده اللى بيحصل معانا تماماً لما نتلقى الإهانه والشتيمه من البيت وإحنا صغيرين زى انت فاشل ، مالكش لازمه ، فلان جارك احسن منك ، كل صحابك هاينجحوا وانت لا ، انت تروح تشتغل زبّال ، انت مالكش تعليم من اساسه ... وحاجات تانيه كتير ، لغاية مابنقتنع تماما اننا اقل الناس ومهما نسعى ونحاول مش هانوصل لربعهم ، بنقتنع ان قدرتنا العقليه مش مؤهله اننا ننجح ... عشان كدا بنقرر اننا نسلك طريق الفشل وعن إقتناع ...
خلى باللك ماترميش الغلط عليهم لوحدهم بس ... انت كمان غلطان
يعنى أبوك غلط وسمّاك حمار ، انت كمان غلطان لإنك رضيت بالحال وبكل صفاته السيئه مارفضتش ولو لمره واحده ، مش بعيد لو رفضت الواقع وعافرت بكل جهدك وحققت نجاح غصب عن عين التخين ... كان هايبقى اسم الحمار لقب بيمنح للناجحين وبس زى لقب سير كدا ..
إحنا ربنا خلق لينا عقل مستقل هو اللى يمشّينا ... مش كلام الناس .
بقلم/#كيرلس_فتحى

Mary Naeem · 04 - 09 - 2017, 02:26 PM

كان هايبقى اسم الحمار لقب بيمنح للناجحين وبس زى لقب سير كدا ..
إحنا ربنا خلق لينا عقل مستقل هو اللى يمشّينا ... مش كلام الناس .

walaa farouk · 04 - 09 - 2017, 06:33 PM

ميرسى على مرورك الغالى تخيل لو أبوك سمّاك حمار