ليه لازم تخبط علي باب اوضة أبنك قبل ما تدخل ؟!!
بالرغم من سذاجة السؤال , إلا ان فكرة الاستأذان قبل دخول اي أوضة و لو حتي اوضك أبنك !
هي ابسط نماذج احترام خصوصية الأخر .. و اللي أسف اغلب مفاهيمنا عن خصوصيات الأشخاص مشوهة ..
في مقالة بعنوان Want People to Behave Better? Give Them More Privacy
بيقول David Berreby ,
إن علي عكس الاعتقاد الشائع ان مراقبة الاشخاص بيتخليهم يشتغلوا احسن ,
انما احترام خصوصيتهم هو الأفضل !! ..
فالمتعارف عليه ان لما عيننا تبقي علي اي حد ده بيخليه يحس انه مكشوف فيقوم بشغله او علي الاقل ميعملش الغلط ,,
و الحقيقة ان ده مش الصح ..
فالغلط حيتعمل حيتعمل , و مفيش اي نظام للمراقبة قدر يوصل للنتيجة القصوي ,
فمهما كانت اعتقادك اليقين انك قادر تكشف افعال اي حد .. يؤسفني اصدمك و اقولك ده مش واقعي ..
ده ساعات بيكون المراقبة و التطفل نوع من انواع الضغوط اللي بيتم ممارستها تجاه الشخص ده و اللي بتدفعه دايما لللجوء لسلوكيات مش مباشرة لتنفيذ رغبته الشخصية ..
فهو دايما حاسس ان خصوصيته تحت تهديد , انه غير مسؤول المسؤوليه الكاملة لتحديد قراراته او افعاله ..
فيبقي حتي و لو نفذ الامر المطلوب منه مش بيكون عن قناعة ذاتيه انما خوف من المراقبة ...
الباب اللي لازم تخبط عليه مش مجرد باب بمعناه المادي , انما هو كل باب بيفصلك عن خصوصية اي حد ,
فممكن يكون الباب ده هو المانع بينك و بين اي شخص للتكلم معاه في موضوع ما أو حتي الحاجز اللي بينك و بين اي حد للتدخل في تفاصيل ملكش اي علاقة بيها ! ..
فمافيش اسوء من شعور انسان بانه غير ممتلك لكيان شخصي بيحمي اسراراه و مدخراته النفسية ..
فاستأذنك قبل دخول اوضة ابنك مفهوش اي انتقاص لسلطتك كأب , أنما تأكيد علي احترامك لحرية أبنك ..
منقول
