|
 |
 |
 |
|
رقم المشاركة : ( 1 )
14 - 08 - 2017, 06:24 PM
|
|||||||||||
|
|||||||||||
|
رسالة لبنات كتير اوى اعرفها و معرفهاش ! خدى وقتك ... الحياة مش خطوبة ولا جواز ولا فرح ولا حتى طفل يقولك يا ماما ... الحياة اكبر من كده بكتير الحياه عشرة عمر بينك و بين راجل هيتقفل عليكم باب واحد لعمر قد عمرك اللى عشتيه ... الحياة مصاعبها اكبر بكتير من فرحها ... الحياة تعب و شغل و اهداف لازم تحطيها و توصليلها و من اهداف اى بنت اكيد الجواز و الخلفه لكن زى ما قولت فى الاول خدى وقتك ! مش معنى ان خطيبك سابك او انك كنتى فى قصة حب فاشله مع واحد سابك فى نص الطريق انك تدخل فى علاقه و ترتبطى باول واحد يدق بابك ... بس عشان تغيظيه ... عشان هو مش هيتغاظ و حتى لو اتغاظ شويه او حتى شويتين بعد كده عادى لكن مع الوقت و العمر هتعرفى انك كنت بتعاقبى نفسك مش بتعاقبيه هو ... خدى وقتك فى الزعل فى انك تهدى و انك تصفى عشان لما تدخلى فى قصه جديدة متظلميش واحد ملوش ذنب فى انك غبيه و ابسط حقوقك انك تاخدى وقتك معملتهاش و يشرب هو تهورك ده او عدم اتزانك ! خدى وقتك ... مش عشان كل واحد و واحده تعرفيهم عمالين يزنو على دماغك انك تتجوزى متحققيش حلمك الكبير اللى طول عمرك بتحلمى بيه عشان ترضى حد ... طيب انتى فين من ده ... نفسك فين اللى المفروض ترضيها ؟! خدى وقتك و فكرى و حطى اولويات لحياتك و لو كان الجواز اول اولوياتك على بركة الله و سمعينا الزغروطه الحلوة 😉😍 خدى وقتك ... مش عشان كل بنات خالتك و عمتك اول ما اتجوزو خلفو على طول انتى كمان مجبرة على كده ! ... على فكرة انتى و جوزك احرار اعملو اللى يريحكم مش عايزة خلفه دلوقتى يبقى متخلفيش مش قد حاجه متعملهاش محدش هيجى يشل الهم و البلاء اللى هينزل على دماغك ولا حد هيجى يشيل عنك المسؤليه ... خدى وقتك عشان متبقيش عيله و بتخلف عيال ... هى مش ناقصه و حياة ابوكى ✋😂 خدى وقتك ..... فى الزعل ... فى التفكير ... فى السعادة .... خدى وقتك و بزيادة .... انتى مش مجبرة تعملى حاجه انتى مش عايزة تعمليها و مش مجبرة تعيشي حياة مش عايزها .... انتى مش مجبرة اساسا .... يعنى لحد يقولك سنك كبر ولازم تتجوزى ... ولا يقولك متزعليش على حاجه و كله بيعدى ... طيب ما هى عارفه ان كله بيعدى بس لازم تاخد وقتها عشان ميأثرش عليها بعد كده يا حجه 😂 اوعى تسمعى كلام او تنفذى كلام انتى مفكرتيش فيه و مش حساه عشان متندميش 😊 خدى وقتك ابوس ايدك 😂 انعكاس انك متعمليش كده بعدين وحش اوى عليكى قبل اى حد تانى لما هتفوقى من اللى انتى فيه هتلاقى نفسك فى واقع مؤلم و حزين اكتر بكتير من اللى ممكن تتخيليه هتلاقى نفسك فى بيت واحد مش طايقه تبصى فوشه عشان انتى فوقتى او هتلاقى نفسك مع واحد كابت طموحك و دافنك بالحياة فبيت من اربع حيطان بتغسلى و تطبخى و تربى العيال و يسلام على الزمن اللى كان نفسك تبقى فيه دكتورة كبيرة فى الجامعه ولا فمنصب كبير فى الدوله او اى حلم من احلامك اللى هتفوقى هتلاقيها مدغدغه دماغك من غباءك .... فوقى قبل ما تلاقى نفسك عندك طفل ولا طفلة جمال ناس كتيرة اوى محرومين منهم و انتى ربنا رزقك بيهم لكن انتى مش صاينه الرزق ده عشان انتى مش قده اساسا .... راميه لداده ولا لمامتك او حتى معاكى بس مش عارفه تاخدى بالك منه 😔 خدى وقتك ! خدى وقتك ! للمرة المليون خدى وقتك ! و على فكرة مش فدول بس ... فى حاجات كتيرة جدا لازم تاخدى فيها وقتك و متستعجليش بس دول من اكتر الحاجات اللى انتى بتستعجلى فيها و بتشربى الطين بعد كده ✋😂😂😂 
|
|
14 - 08 - 2017, 06:26 PM
|
رقم المشاركة : ( 2 ) | ||||
|
† Admin Woman †
|
رد: خدى وقتك
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| أحب أن أسألك كم تعطى الله من وقتك؟ وكم تعطى لأمور العالم من وقتك؟ |
| قسم وقتك |
| ان اديتله من وقتك |
| خدى وقتك |
| خد وقتك |
العرض العادي
