خدى وقتك

[walaa farouk]

💕💕#خدى_وقتك ... الحياة مش خطوبة ولا جواز ولا فرح ولا حتى طفل يقولك يا ماما ... الحياة اكبر من كده بكتير الحياه عشرة عمر بينك و بين راجل هيتقفل عليكم باب واحد لعمر قد عمرك اللى عشتيه ... الحياة مصاعبها اكبر بكتير من فرحها ... الحياة تعب و شغل و اهداف لازم تحطيها و توصليلها و من اهداف اى بنت اكيد الجواز و الخلفه لكن زى ما قولت فى الاول خدى وقتك !
💕💕مش معنى ان خطيبك سابك او انك كنتى فى قصة حب فاشله مع واحد سابك فى نص الطريق انك تدخل فى علاقه و ترتبطى باول واحد يدق بابك ... بس عشان تغيظيه ... عشان هو مش هيتغاظ و حتى لو اتغاظ شويه او حتى شويتين بعد كده عادى لكن مع الوقت و العمر هتعرفى انك كنت بتعاقبى نفسك مش بتعاقبيه هو ... 💕💕#خدى_وقتك فى الزعل فى انك تهدى و انك تصفى عشان لما تدخلى فى قصه جديدة ماتظلميش واحد ملوش ذنب فى انك غبيه و ابسط حقوقك انك تاخدى وقتك معملتهاش و يشرب هو تهورك ده او عدم اتزانك !
💕💕#خدى_وقتك ... مش عشان كل واحد و واحده تعرفيهم عمالين يزنو على دماغك انك تتجوزى ماتحققيش حلمك الكبير اللى طول عمرك بتحلمى بيه عشان ترضى حد ... طيب انتى فين من ده ... نفسك فين اللى المفروض ترضيها ؟! #خدى_وقتك و فكرى و حطى اولويات لحياتك و لو كان الجواز اول اولوياتك على بركة الله و سمعينا الزغروطه الحلوة 😉😍
💕💕#خدى_وقتك ... مش عشان كل بنات خالتك و عمتك اول ما اتجوزو خلفو على طول انتى كمان مجبرة على كده ! ... على فكرة انتى و جوزك احرار اعملوا اللى يريحكم مش عايزة خلفه دلوقتى يبقا ماتخلفيش مش قد حاجه ماتعملهاش ماحدش هيجى يشيل الهم و البلاء اللى هينزل على دماغك لو شايفه انك مشقد المسئوليه لسه اوالظروف لسه مش مرتاحه ولا حد هيجى يشيل عنك المسؤليه ... ✋😂
💕💕#خدى_وقتك ..... فى الزعل ... فى التفكير ... فى السعادة .... خدى وقتك و بزيادة .... انتى مش مجبرة تعملى حاجه انتى مش عايزة تعمليها و مش مجبرة تعيشي حياة مش عايزها .... انتى مش مجبرة اساسا .... يعنى لحد يقولك سنك كبر ولازم تتجوزى ... ولا يقولك ماتزعليش على حاجه و كله بيعدى ... طيب ما هى عارفه ان كله بيعدى بس لازم تاخد وقتها عشان ميأثرش عليها بعد كده 😂 اوعى تسمعى كلام او تنفذى كلام انتى مفكرتيش فيه و مش حساه عشان ماتندميش 😊
💕💕#خدى__وقتك ابوس ايدك 😂 انعكاس انك ماتعمليش كده بعدين وحش قوى عليكى قبل اى حد تانى لما هتفوقى من اللى انتى فيه هتلاقى نفسك فى واقع مؤلم و حزين اكتر بكتير من اللى ممكن تتخيليه هتلاقى نفسك فى بيت واحد مش طايقه تبصى ف وشه عشان انتى فوقتى او هتلاقى نفسك مع واحد كابت طموحك و دافنك بالحيا فبيت من اربع حيطان بتغسلى و تطبخى و تربى العيال و ياسلام على الزمن اللى كان نفسك تبقا فيه دكتورة كبيرة فى الجامعه ولا فى منصب كبير فى الدوله او اى حلم من احلامك اللى هتفوقى هتلاقيها مدغدغه دماغك من غباءك .... فوقى قبل ما تلاقى نفسك عندك طفل ولا طفلة زمان ناس كتيرة قوى محرومين منهم و انتى ربنا رزقك بيهم لكن انتى مش صاينه الرزق ده عشان انتى مش قده اساسا .... راميه لداده ولا لمامتك او حتى معاكى بس مش عارفه تاخدى بالك منه 😔
💕💕#خدى_وقتك !!!!!#خدى_وقتك !!!!!للمرة المليون #خدى__وقتك !
و على فكرة مش ف دول بس ... فى حاجات كتيرة جدا لازم تاخدى فيها وقتك و ماتستعجليش بس دول من اكتر الحاجات اللى انتى بتستعجلى فيها و بتشربى الطين بعد كده 👏👏👏👏👏👏😂😂😂😂👏👏👏👏👏

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى ربنا يبارك تعب محبتك

[walaa farouk]

مارى
رينا
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

ميرسى على مرورك الغالى