خليك اد المسئوليه

[walaa farouk]

ركزوا في الصورة دي كده!!
شايفين الراجل ده بيعمل إيه مع ابنه، سايب إيده وبيعلمه يعتمد على نفسه، طب هل دا معناه إنه مش بيحبه أو مش بيخاف عليه!! الإجابه لأ، والحقيقه إن الله بيعمل معانا نفس الحكاية، هو صحيح بيعلمنا وبيرشدنا وبيمسك إيدينا ويعدي بينا في مواقف كتيرة، لكن لأنه أب شاطر وعايز يعلمنا نعتمد على نفسنا ونبقى قد المسئولية، لازم يجي في وقت ويسيب إيدينا ويخلينا نمشي السكة لوحدنا، بس هو بيبقى واقف وشايف وحاسب كل حاجه مظبوط وعارف إمتى هيتدخل في الوقت المناسب، لو فضل الأب طول حياته ماسك إيد ابنه وماعلمهوش إزاي يعتمد على نفسه، الولد ده عمره ما هيبقى راجل يعتمد عليه 💪 ماتخافش انت مش متساب لوحدك بس في نفس الوقت الله عايز أولاده يكونوا قد المسئولية..
إمتى حسيت إن الله سابك بس بعد كده اكتشفت انك اتعلمت حاجه مهمه من الموقف ده؟