|
 |
 |
 |
|
رقم المشاركة : ( 1 )
25 - 06 - 2017, 02:34 PM
|
|||||||||||
|
|||||||||||
|
إيه ممكن يكون أصعب من أن حد يحسسك بالحب .. يحسسك بالقرب .. وأول ما ترتاح لوجوده .. يختفي؟! السيناريو متكرر كتيير في أشكال علاقات مختلفة .. الفكرة أن البحث عن الحب والدفء أصبح احتياج مُلِح داخل البعض .. لدرجة أن الخطوات مبقتش بتتحسب .. كأنه بيتعامل مع ناس بلاستيك مبيحسوش !! بقى الواحد منهم معمي عن الطرف التاني .. بيقرب وكله اهتمام .. حيحس بإيه؟ ويحس بيه إزاى ؟ ويفضل حاسس بيه إزاى؟ وكأنه بيستعمل العلاقة بس عشان يرضي احساس جواني فاضي .. بدل ما يتشطر ويملاه صح .. بقى يملاه باللعب بمشاعر الناس .. اللي بيعمل كدة مش وحش على فكرة .. هو بس مش منتبه أنه بقى اسير "ذاته" واحتياجاته .. لدرجة انه بيتعامل مع القلوب من غير وعى .. ومش لازم يكون عشان مش فاهم ولا مش واعي .. للأسف غالبا بيكون الأمر عمى مؤقت بسبب رغبة مُلِحة جواه .. متعلمش انه يديرها .. فبقت بتديره .. محتاج يثبت لنفسه حاجة .. او محتاج يعيش قصة منتهتش معاك .. فيقرب لك .. ينبسط يقعد .. يضايق يجري!! ماشي بقواعده .. ماشي بظروفه هو بس .. لا مركز انت حاسس بايه .. ولا واعي انت حتتأثر ازاى .. لما تيجي تتكلم معاه تلاقيه منتبه لكلامه هو اكتر في الحوار بينكم وبيسقط كلامك .. بشكل لا واعي .. هو بيدير الكلام بالطريقة اللي عايزها .. بالطريقة اللي حتوصلوا لشعوره بنفسه .. وبس .. والأصعب عشان هو عايش معاك فيلم من صنعه .. هو المخرج والممثل وانت الكومبارس .. هو اللي بيحركك زى العروسة الماريونيت فتلاقيه ممكن يعيش موقف كمان حسب السيناريو اللي هو حطه .. يزعل ويتخانق على حاجة انت اصلا مقولتهاش مثلاً .. فتلاقي العلاقة ماليانة كم سوء ظن .. على كم صدامات .. عشان هو عايش فيها لوحده .. مع عقله .. وانت مجرد بتلبي الرغبة بوجودك .. مجرد ماريونيت بتتحرك باشارة من صباعه .. آه .. مواصفاتك لايقة على المشهد .. ادائك مش راقي اوي بس اهو الموجود .. ما دام بتتحرك معاه يبقى مأدي الغرض .. فيفضل الفيلم شغال .. والمشكلة انت عايش قصة قرب .. قصة حب بكل جوارحك .. منتبه له تماما .. بتسمعه بعمق .. بتحس بيه .. فعمال ترتبط .. وبتتعلق .. وهوووب .. فجأة تلاقي الستارة نزلت .. شطبنا .. مفيش .. هو أصله شغال لوحده فبسهوله بيعرف يهرب .. وقت ما يحتاج الفيلم انه ينتهي .. بيقول cut .. حتى لو حتموت .. هو اصلا مش شايفك .. مش حسك!! على فكرة متفرحش اوي وتحس انك ضحيته .. انت ساعات بتكون المخرج/ الساحر في علاقات تانية .. كله حسب الرغبة المكبوتة اللي بتتحقق في شكل فيلم مع انسان من غير ما يوافق على دور انت بتلزمه بيه .. فلما تلاحظ ان العلاقة ديه مش رايح جاى بينكم .. اقطع خيوط الماريونيت وتحرر .. يمكن حتى يفوق .. ويفهم ان قلبك موجود وياه .. الفكرة انك تفهم .. أن أى علاقة .. صداقة أو حب .. او حتى تربية اطفالك .. اى علاقة .. حتدخلها او انت فيها .. عشان تقدر تدير رغباتك متديرش الفيلم لوحدها .. لازم دايما تحطهم قبليك .. تركز تشوفه .. تحس بيه .. قبل ما تتصرف اسأل نفسك ده مناسب ليكو انتوا الاتنين ولا انت بس .. اوعى تنجرف في مشهد لوحدك .. دايما وقف نفسك .. هو محتاج ايه ؟ حاسس بايه؟ حيتأثر ازاى بكلامي وفعلي !! لازم تدي مساحة كبيرة أنك تراعي أن له قلب زى ما لك قلب .. كلمة بيني وبينك .. كسرة القلب قهرتها .. يارب متعديش على حد .. لان القلب لما بيتكسر .. صعب يرجع زى الأول .. واللي يدفع الفاتورة دايماً الغلبان اللي حيحبك بجد !! 
|
|
25 - 06 - 2017, 02:59 PM
|
رقم المشاركة : ( 2 ) | ||||
|
† Admin Woman †
|
رد: الماريونت والساحر
لازم تدي مساحة كبيرة أنك تراعي أن له قلب زى ما لك قلب
صح كتير يا لولو موضوع مهم كتير |
||||
|
|
|
25 - 06 - 2017, 06:30 PM
|
رقم المشاركة : ( 3 ) | ||||
|
..::| الاشراف العام |::..
|
رد: الماريونت والساحر
الفكرة أن البحث عن الحب والدفء أصبح احتياج مُلِح داخل البعض
ميرسى ربنا يبارك تعب محبتك |
||||
|
|
|
25 - 06 - 2017, 09:08 PM
|
رقم المشاركة : ( 4 ) | ||||
|
..::| الإدارة العامة |::..
|
رد: الماريونت والساحر
ميرسى كتير على مروركم الغالى  |
||||
|
|
|
28 - 06 - 2017, 09:49 AM
|
رقم المشاركة : ( 5 ) | ||||
|
† Admin Woman †
|
رد: الماريونت والساحر
لان القلب لما بيتكسر .. صعب يرجع زى الأول .. واللي يدفع الفاتورة دايماً الغلبان اللي حيحبك بجد !!
|
||||
|
|
|
28 - 06 - 2017, 06:28 PM
|
رقم المشاركة : ( 6 ) | ||||
|
..::| الإدارة العامة |::..
|
رد: الماريونت والساحر
ميرسى على مرورك الغالى مرمر |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| †† القديس مارجرجس الروماني والساحر أثناسيوس |
| ✥القديس أبسخيرون القلينى والساحر✥ |
| عم يعقوب والساحر |
العرض العادي
