|
 |
 |
 |
|
رقم المشاركة : ( 1 )
12 - 03 - 2017, 08:29 PM
|
|||||||||||
|
|||||||||||
 عزيزي لما تيجي تتجوز .. لازم تتجوز واحده بتحبها مووووووووووت ... مش اي واحده كويسه وبنت ناس ومناسبه ... هتقول لي مش ضروري لأ ضروري ... اقول لك ليه ..؟ لما تكون بتحبها ... هتفضل شايفها حبيبتك وقمر في احوال صعبه كتير هتعدي عليكم ... وهيه لِسَّه صاحيه من النوم من غير مكياج ... بالبيجامه ... وهيه منكوشه بتنفض ... لو ريحتها بصل وهيه بتطبخ لك أكله طعمه ... لما تتخن وهيه حامل ... ولما ترجَّع وهي تعبانه من حملها في ولادك ... لما تحت عينها يبقي اسود من كتر السهر بولادك في شهور عمرهم الأولي ... لما تتخن وتكلبظ ... ولما تحاول تخس (سواء نجحت او فشلت) ... لما تجهز لك أكله حلوه وتسهي عليها فالاكل يتلسع منها ... لما ما تلحقش تعمل لك اكل جامد وتلاقي عالسفره فول وبيض وجبن في معاد الغدا ... لما تتنزفز من اي حاجه وتهبِل وتخطرف وتقول كلام مالوش اي دعوه ببعضه ... كل ده بيعدي عليك عااااااادي وممكن يضحكك وانت بتحِب الجمال في عين الرائي 😍 وياسواد عيشتك لو ما بتحبش ... حِمْلَك هيكون ثقيل قوي عزيزتي لما تيجي تتجوزي .. لازم تتجوزي واحد بتحبيه جداً ... لازم خلال فترة الخطوبة يكون احتل في قلبك مكان مميز جداً ... ولو ده ماحصلش ... ما تتجوزيش ... الخطوبة اتعملت علشان تاخدي فرصه لتقييم مشاعرك تجاه شخص ... مش مقابله شخصيه لأي واحد كويس ومستوفي الشروط وهيدفع ويجيب كل الطلبات ... هتقولي لي مش ضروري لأ ضروري ... اقول لك ليه ..؟ علشان لما تتجوزي تستحملي شوية حاجات هايفه بس ما تستحملهاش الا الست اللي بتحب لما تكوني بتحبيه هتستحمليه لما يقلب وشه لمجرد ان فرقته اتغلبت في الدوري ... لما يطلب منك كباية ميه والازازه علي الترابيزه علي بعد شبر منه ... لما يخرج مع أصحابه وانتي قاعده في البيت بتنفضي ... لما يرجع متأخر ويفتح عليكي النور عااااادي علشان يغير هدومه ... لما يصحيكي الصبح تجيبي له الشراب الكحلي المقلم علشان مش لاقيه ... لما يسيب لك الفوطه كل يوم متكعبله عالفواطه من غير ما ينشرها ... لما يحط الهدوم اللي عايزه غسيل جنب سبت الغسيل في الارض مش جواه 😳😜 لما صوته يعلي عليكي من غير قصد لانه مضغوط من المرور ووصل البيت من شغله بعد حبسه ٣ ساعات في عربيته ... لما يبقي زرابينه طالعه نتيجه لأي التزام مادي عالبيت وهوه حبيبي بيحاول يدبره من غير ما يقلقك ولا يحسسك انه مزنوق ... لما ينسي عيد ميلادك او عيد جوازكم ويعمل فاكر -بس آل ايييه مخبي- اول ما تفكريه او تطلعي هديتك له اللي متجوز وبيحب بيفهم ... او حتي ما بيهتمش يفهم بس بيقدَّر وبيعدي حاجات كتييييييييير ما يفهمهاش اللي متجوز وبس اتجوز وانت بتحب ... حب وانت متجوز رتبها زي ما تحب المهم تحب لو ما بتحبش ما تضيعش عمرك ... وما تضيعش فرصة غيرك في الحب ❤️❤️❤️ 
|
|
13 - 03 - 2017, 01:51 PM
|
رقم المشاركة : ( 2 ) | ||||
|
† Admin Woman †
|
رد: لو ما بتحبش ما تضيعش عمرك
ربنا يبارك حياتك |
||||
|
|
|
14 - 03 - 2017, 07:59 PM
|
رقم المشاركة : ( 3 ) | ||||
|
..::| الإدارة العامة |::..
|
رد: لو ما بتحبش ما تضيعش عمرك
ميرسى على مرورك الغالى مرمر |
||||
|
|
|
14 - 03 - 2017, 08:15 PM
|
رقم المشاركة : ( 4 ) | ||||
|
† Admin Woman †
|
رد: لو ما بتحبش ما تضيعش عمرك
ربنا يفرح قلبك يا ولاء
|
||||
|
|
|
15 - 03 - 2017, 12:39 PM
|
رقم المشاركة : ( 5 ) | ||||
|
..::| الاشراف العام |::..
|
رد: لو ما بتحبش ما تضيعش عمرك
ميرسى ربنا يبارك تعب محبتك
|
||||
|
|
|
15 - 03 - 2017, 08:17 PM
|
رقم المشاركة : ( 6 ) | ||||
|
..::| الإدارة العامة |::..
|
رد: لو ما بتحبش ما تضيعش عمرك
ميرسى كتير على مرورك الغالى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| مزمور 105| بِيعَ يُوسُفُ عَبْدًا |
| ما تضيعش الفرصة |
| ما تضيعش بنزين علي الفاضي |
| ويل للذين يَصِلون بيتًا ببيتٍ |
| الزوجة النكدية !! " اعرفها قبل ما تتدبس ^_^ |
العرض العادي
