خطية آدم وعلاقته مع الله

[walaa farouk]

" من أكتر النقط اللى تستاهل التفكير .. هل بس مجرد أن آدم أكل من الشجرة كان كافى لتدمير علاقته بالله؟

لا.. الموضوع مش بالسذاجة دى.. ولا حتى انه بس عصى الله ولم يطيع!
بالنسبالى فى نقطة أهم وأعمق شوية، وهى السلاح اللى ابليس استخدمه عشان يفسد العلاقة بين الله وآدم .. والسلاح الفتاك ده كفيل بتدمير أى علاقة هو "عدم الثقة" .. !!

الشيطان قاللهم :بَلِ ٱللهُ عَالِمٌ أَنَّهُ يَوْمَ تَأْكُلَانِ مِنْهُ تَنْفَتِحُ أَعْيُنُكُمَا وَتَكُونَانِ كَٱللهِ عَارِفَيْنِ ٱلْخَيْرَ وَٱلشَّرَّ " .. هو قاللهم انه الله مخبى عنكم خير مش عايزكم توصلوله .. لما تتفتح عينيكم هتكونوا زيه .. هو مش جدير بثقتكم فيه.. والنتيجة؟ استجابوا لكلام الشيطان .. وقعت الثقة .. وقعت العلاقة..

من هنا بدأت أفهم إيه قوة الإيمان؟ ايه لازمته يعنى؟ ايه قيمة انى أصدق أو مصدقش؟
الإيمان يعنى انك تثق .. هو فعل توبة عن الفعل اللى خرب العلاقة القديمة بين الله والانسان.. انك بتعلن انك مصدق رغم الظروف والعيان.. الثقة اللى هى أساس أى علاقة .. الثقة هى اكتمال الحب .. مفهاش خوف من المجهول .. أى علاقة مفهاش مجال لوجود الحب والخوف مع بعض ... الخوف عدم ثقة أما الحب فهو اكتمال الثقة..
لاَ خَوْفَ فِي الْمَحَبَّةِ، بَلِ الْمَحَبَّةُ الْكَامِلَةُ تَطْرَحُ الْخَوْفَ إِلَى خَارِجٍ لأَنَّ الْخَوْفَ لَهُ عَذَابٌ. وَأَمَّا مَنْ خَافَ فَلَمْ يَتَكَمَّلْ فِي الْمَحَبَّةِ. "

[Mary Naeem]

موضوع مميز
ربنا يباركك

[walaa farouk]

ميرسي على مرورك الغالى مارى
ميرسي على تمييز الموضوع