كتير من حالات الأنفصال والمشاكل اللي بتحصل بعد اكتر من 7 الى 10 سنين جواز
بتحصل بسبب
ان الرجل او المرأة بيصحى الصبح من نومه
رافض الحياة اللي هو فيها
رافض المسئولية
رافض الملل اللي هو فيه
رافض الوقت اللي ضيعه مع حد مايستاهلش (من وجهة نظره)
بيعلن عصيانه و بيبدأ يحط شروط جديدة عشان الحياة تستمر (ممكن تستمر)
وكتير منها بتنتهى بأنفصال
وساعتها بيحس انه سعيد انه تخلص من الضغوط اللى عليه (من وجهة نظره)
وبيقعد فترة حاسس انه انتصر في المعركة دي
وانه اخيرا وجد نفسه
بس للأسف في أغلب الحالات هو لم ولن يجد نفسه
لأنه مفهمش نفسه قبل ما يحصل زواج
ولا فهم نفسه بعد ما حصل زواج
هو / هي كانوا محتاجين وقت يختلى به مع نفسه
وقت يقيم نفسه صح
وقت يعيد ترتيب الاوراق
واتفاق يلتزم به الطرفان وايديهم في ايد بعض
انهم يقدروا يكملوا بس وكل واحد حاطط في باله نفسه
وانه ازاى يسعد اللي معاه
