|
 |
 |
 |
|
رقم المشاركة : ( 1 )
03 - 09 - 2016, 12:11 PM
|
|||||||||||
|
|||||||||||
|
# من صفات الرجولة هي القرار و مدي قدرتك علي تنفيذه # أنواع الناس من حيث إتخاذ القرار ١- ناس بلا قرار ... زي لوط لما كان عارف إن سدوم مدينة الخطية و الشر و مع ذلك معرفش ياخد قرار إنه يسيبها .... ٢- ناس تؤجل قرار ... زي الخمس عزاري الغير حكيمات لما أجلوا قرارهم بإنهم يملوا مصابيحهم .. زي لما إنت يجيلك فكر من ربنا أو الروح القدس إنك ترجع تقرأ كتابك المقدس و إنت بتيجي و تقوله أنا فعلا ف نيتي بس مش دلوقتي ... ٣- ناس بتاخد القرار و تهمله .... زي لما بتيجي تقرر تتوب ف آخر السنة و بمجرد ما بتعيد بترجع تاني زي الأول أو زي فترة الصوم الكبير بتكون إنسان روحاني و مجرد ما تخش فترة الخماسين بترجع تاني زي الأول و يمكن أكتر ... #ناس كانت رجالة ف قراراتها: ١- الإبن الضال ... أول لما عرف إنه ف طريق غلط ... رجع أوام من غير تفكير ... ٢- متي .... بمجرد ما السيد المسيح قاله إتبعني ساب الفلوس ووالضرايب اللي ف إيده و مشي معاه ... ٣- بطرس و إنداروس بمجرد ما السيد المسيح دعاهم وقالهم تعالوا و هخليكوا تصطادوا الناس، سابوا كل حاجة ف إيديهم و مشيوا وراه ٤- زكا العشار ... بمجرد ما المسيح دخل بيته و قعد معاه، زكا قاله انه هيدي نص أمواله للفقراء و اللي ظلمه هيديله ٤ أضعاف ... ٥- المرأة ذات الفلسين ... اللي أعطت كل ما كان معاها للفقراء و مهتمتش أزاي هتقعد من غير فلوس ... زي لما يكون مش معاك غير ٥ جنيه ف جيبك و قابلك واحد محتاج و تقرر إنك تديهاله من غير ما تهتم إزاي هتروح حتي لو بيتك بعيد ... ٦- دانيال ... لما رفض إنه ياكل من أطايب الملك ... مع إنه كان أسير ف بابل و معليهوش أي لوم .... # المثابرة: كلمة مثابرة معناها الثبات علي القرار ... حلو إنك تاخد القرار ... بس الأحلي إنك تفضل محافظ عليه ... و الحقيقة إنك هتلاقي الدنيا مش سهلة معاك و هتتعرض لمضايقات و إحباطات و حروب من عدو الخير كتير و بالتالي عليك إنك متيأسش أبدا و تقع و تقوم و لازم تقوم و مينفعش تفضل واقع علي طول و شغلتك في الدنيا إنك تفضل تقع و تقوم لحد ما تموت من غير يأس ... #ناس كان عندها مثابرة : ١- القديس العظيم الأنبا موسي الأسود ... هو مبقاش قديس أول ما تاب ... الحقيقة إن الشيطان ياما مرره و غلبه وياما حاربه و ضايقه ومع ذلك عمره ما يأس و فضل مكمل و فضل يسهر و يجهد نفسه ف مليان المية للرهبان علشان متقومش عليه أفكار الزنا .. ٢- القديسة العظيمة مريم المصرية ...اللي فضلت ٧ سنين تجاهد أفكار الزنا ... كانت كل ما تصلي (أبانا الذي) يجيلها الشيطان و يفكرها بماضيها السئ ... ومع ذلك ميئستش أبدا و بقت من السواح في النهاية. 
|
|
03 - 09 - 2016, 12:31 PM
|
رقم المشاركة : ( 2 ) | ||||
|
† Admin Woman †
|
رد: الرجولة قرار ومثابرة
مشاركة جميلة جدا ربنا يبارك حياتك |
||||
|
|
|
03 - 09 - 2016, 10:34 PM
|
رقم المشاركة : ( 4 ) | ||||
|
..::| الإدارة العامة |::..
|
رد: الرجولة قرار ومثابرة
مارى
مينا ميرسي كتير على مروركم الغالى |
||||
|
|
|
04 - 09 - 2016, 08:26 AM
|
رقم المشاركة : ( 5 ) | ||||
|
..::| الاشراف العام |::..
|
رد: الرجولة قرار ومثابرة
ربنا يبارك تعب محبتك
|
||||
|
|
|
04 - 09 - 2016, 08:32 PM
|
رقم المشاركة : ( 6 ) | ||||
|
..::| الإدارة العامة |::..
|
رد: الرجولة قرار ومثابرة
ميرسي على مرورك الغالى رينا
|
||||
|
|
 |
|
العرض العادي
