|
 |
 |
 |
|
رقم المشاركة : ( 1 )
10 - 08 - 2016, 04:45 PM
|
|||||||||||
|
|||||||||||
|
من الحاجات اللي بتسبب مشاكل في العلاقات ,
هو أن ناس كتير مش بتعرف تفرق بين مصطلحين مهمين جدا و هما الـ commitment ( الإلتزام ) و الـ attachment ( التعلٌق ) ... ففي جملة مشهورة بتقول : Be committed, not attached. But more importantly, know the difference بمعني ( كن ملتزم و ليس متعلق .. و الأهم ان تعرف الفرق ! ) .. من و أحنا صغيرين ماكنش لسه أتشكل عندنا مفهوم الألتزام , فماكنش قدامنا غير التعلق , و يبقي الطفل متعلق بأمه بشكل صعب ! فلو مجرد سابته أو حتي لفتت وشها عنه يفضل يعيط و يصرخ ! لكن واحدة واحدة الطفل بيكبر و صلته بأمه بتبتدي تاخد شكل ناضج شوية , و هو الألتزام .. فالحب المتبادل اللي بينهم هو حب قائم علي مجموعة ألتزمات متبادله بينهم .. و اللي بيميز الست ديه عن اي حد تاني هي انها ملتزمة بدورها في العلاقة .. و هو كأبن ملتزم بدوره في العلاقة .. فهي علاقة واعية بين الطرفين , المشكلة لما يكون في ناس كبيرة و خلاص المفروض مرت بمراحل نضوج كافية , و تكون مصممة تعيد ايام طفولتها في كل علاقة تدخلها ! فبدل ما تكون علاقة ألتزام , تبقي تعلق ! و هنا الكارثة ! ان بمجرد ما الطرف التاني يسيبه او يلف وشه التاني يفضل يعيط و يصرخ !! .. أنما في الألتزام .. فيه بنود , فيه أسس , فيه قواعد واضحة و ثابته قايمة عليها العلاقة ديه ! فأنا ملتزم مع فلان عشان هو بيعمل كذا و كذا و كذا ,.. و لو حصل خلل في شروط الألتزام , يبقي بكل شجاعة و أحترام بيتم فسخ شكل الألتزام ده , من غير ما حد يعيط او يصرخ ! .. فالألتزام المتبادل , هو الشكل الأكثر نضوج لأي علاقة .. كيرلس بهجت 
|
|
10 - 08 - 2016, 04:46 PM
|
رقم المشاركة : ( 2 ) | ||||
|
..::| الإدارة العامة |::..
|
رد: من الحاجات اللي بتسبب مشاكل في العلاقات (الالتزام والتعلق)
ميرسي على مشاركتك الجميلة
|
||||
|
|
|
10 - 08 - 2016, 04:58 PM
|
رقم المشاركة : ( 3 ) | ||||
|
† Admin Woman †
|
رد: من الحاجات اللي بتسبب مشاكل في العلاقات (الالتزام والتعلق)
مشاركة جميلة جدا ربنا يبارك حياتك |
||||
|
|
|
10 - 08 - 2016, 08:25 PM
|
رقم المشاركة : ( 4 ) | ||||
|
..::| الاشراف العام |::..
|
رد: من الحاجات اللي بتسبب مشاكل في العلاقات (الالتزام والتعلق)
ميرسى لمروركم الغالى
 |
||||
|
|
 |
|
العرض العادي
