وسط العواصف

[Ramez5]

وسط العواصف اللي بتملا حياتي خوف
بسمع في صوتك همسة القلب العطوف
تملا حياتي ساعتها امان ما له حدود
واحس قلبي بيسجدلك يارب بكسوف
وسط الضيقات بشعر اني خلاص باموت
بفقد سلامي واتوه وسط دروب السكوت
واما تشتد الالام اجري عليك قوام
واصرخ يارب ارحم واندهلك بأعلي صوت
وسط الجراح اللي بتنزف جوا وجداني
وفي يأس قلبي بحس بحضنك الحاني
بيضم فيا كل وجع و آهات سجينة
بلمس ياربي فيك كل مشاعر كانت نقصاني

بقلم / ماريان عادل

[walaa farouk]

ميرسي على مشاركتك الجميلة والكلمات الجميلة

[Mary Naeem]

مشاركة جميلة جدا

ربنا يبارك حياتك