منتدى الفرح المسيحى

https://upload.chjoy.com/uploads/1452586374941.jpg

وسط العواصف اللي بتملا حياتي خوف
بسمع في صوتك همسة القلب العطوف
تملا حياتي ساعتها امان ما له حدود
واحس قلبي بيسجدلك يارب بكسوف
وسط الضيقات بشعر اني خلاص باموت
بفقد سلامي واتوه وسط دروب السكوت
واما تشتد الالام اجري عليك قوام
واصرخ يارب ارحم واندهلك بأعلي صوت
وسط الجراح اللي بتنزف جوا وجداني
وفي يأس قلبي بحس بحضنك الحاني
بيضم فيا كل وجع و آهات سجينة
بلمس ياربي فيك كل مشاعر كانت نقصاني

بقلم / ماريان عادل