02 - 08 - 2015, 02:54 PM
|
|
|
|
..::| مشرفة |::..
|
|
|
|
|
|
تاملات فى سفر نحميا الاصحاح التاسع من الايه 1 لــ 19
الايه الاول بتقول 1
وفي اليوم الرابع والعشرين من هذا الشهر اجتمع بنو إسرائيل بالصوم، وعليهم مسوح وتراب
وهنا بيورينا الكتاب ان بعد ما خلاص السور اتبني ومبقاش فيه ثغره وبعد ما نحميا وشعب اسرائيل اتغليبوا على كل محاولات الشيطان واتغلبوا على كل الضيقات اللى بتقابلهم طبيعي لقوا اشتياقهم اتجه لربنا واجتمعوا مع بعض بالصوم وتقديم توبه حقيقيه ولبسوا مسوح
ــــــــــــــــــــــــــــ
الايه التانيه بتقول
2 وانفصل نسل إسرائيل من جميع بني الغرباء، ووقفوا واعترفوا بخطاياهم وذنوب آبائهم
ودي ايه جميله اووووى اووووى بتقولنا ان بنى اسرائيل انفصلوا عن الغرباء وهو مين الغريب عننا غير العالم والخطيه اه العالم غريب عننا ربنا جايبنا هنا ضيوف العمر مجرد حلم فى اى لحظه الانسان هايفوق منه لحظه انتقال روحه يعني مهما طالت حياتنا او قصرت فاحنا غرباء عن العالم كمان الخطيه غريبه عننا لاننا اولاد النور ياريتنا نقدر نقرر ونحسم موقفنا احنا كمان منها ونقدر نتغلب عليها ونتفصل عنها وايه اللى يمنع ده احنا ف عصر النعمه كمان اليهود عملوا حاجه جميله جدا انهم اعترفوا بخطاياهم وده مطلوب مننا مع التوبه الحقيقه لازم يكون فيه اعتراف ومحاسبة للنفس
ـــــــــــــــــــــــــــــــــ
الايات من 3 لـ6
بيتضمنوا ان شعب بنى اسرائيل بدا يقف قدام ربنا يقرا فى كتابه ويسبحوه ويسجدوا ليه ودي برضو من اهم الحاجات اللى بنعملها فى مرحلة التوبه بنبقي محتاجين نكلم ربنا كتير اوووى ونقف قدامه ومحتاجين نسمع صوته وردوده علينا ومفيش ردود اقوى من ردود ربنا علينا فى الانجيل
ـــــــــــــــــــــــــــــــ
الايه السابعه والتامنه بيقولوا
7 أنت هو الرب الإله الذي اخترت أبرام وأخرجته من أور الكلدانيين وجعلت اسمه إبراهيم
8 ووجدت قلبه أمينا أمامك، وقطعت معه العهد
فى الحقيقه ربنا مخترش ابراهيم باسم ودعاه باسمه لا ربنا اختار كل واحد مسيحي هو اللى قال لا تخف انا اخترتك دعوتك باسمي انت لي يعني ربنا اختارنى انا كمان دعانى باسمي من قبل حتى ما اتولد ادانى الخلاص مجانى بس مطلوب منى بقي احافظ على الخلاص ده واسعي انى اخد مكانى اللى فى السما وان محدش ياخده غيري زي ما ربنا وجد قلب ابراهيم امين قدامه مييييييين فين قلبه امين مع ربنا كام واحد فينا بيحبه من قلبه ده خلى ربنا يقطع عهد لابراهيم انه هايديله خيرات كتير وهايباركه وهايبارك نسله كمان يعني انت باعمالك الصالحه ممكن تكون سبب لبركه للى حوليك وان ربنا يحافظ عليهم ويكون معاهم عشان بيحبك انت
ـــــــــــــــــــــــــــــــــ
ومن الايه 9 لــ 15
فى الايات دي بنى اسرائيل بيذكروا افضال ربنا عليهم من يوم ما خرجهم من مصر وعمل عجائب قدام فرعون ويوم ما شق لهم من البحر طريق يعدوا منهم وايام ما كان بياكلهم الخبز السماوي وشق الصخره طلع منها ميه تروي عطشهم وغيره وغيره من افضال ربنا عليهم طيب احنا كام واحد فينا بيذكر افضال ربنا عليه وبيحاول يشكره عليها كام واحد فينا فكر ان ربنا عمل المستحيل عشانه ده كفااايه انه اتصلب عشان واحد زيي وبعد كل اللى بيعمله معانا حتى كلمة شكر مش بيلاقيها بالعكس كل الخيرات والنعم بننسبها لنفسنا وقدراتنا الخارقه لكن اول ما تييجي ضيقه نقول ربنا هو اللى جبهالنا ربنا قاصد يضايقنا ويقرفنا ف عيشتنا وغير من كلمات التذمر
ــــــــــــــــــــــــــــــــــــــــ
الايتين 16 و 17 بيقولوا
ان بنى اسرائيل رغم كل افضال ربنا عليهم رفضوا يسمعوا لوصاياه وصلبوا رقابهم ومذكروش افضال ربنا عليهم زي مااحنا بنعمل بالظبط يكون لسه ربنا عامل معانا معجزة كبيره ولا مدينا نعمه ف حاجه قبل ما نقوله شكرا نقوم عاملين الخطيه ومكسرين وصيته
ــــــــــــــــــــــــــــــــــ
الايتين 18 و 19 بقي بيقولوا 18
عملوا لأنفسهم عجلا مسبوكا وقالوا: هذا إلهك الذي أخرجك من مصر، وعملوا إهانة عظيمة
19 أنت برحمتك الكثيرة لم تتركهم في البرية، ولم يزل عنهم عمود السحاب نهارا لهدايتهم في الطريق، ولا عمود النار ليلا ليضيء لهم في الطريق التي يسيرون فيها
يااااااااااه ياااارب بجد عجيبه هى محبتك وطيبتك ده مش بس وصلوا انهم يكسروا وصايا ربنا لا كمان عملوا لنفسهم عجل وقالوا اهن العجل ده هو الهنا اللى طلعنا من مصر يعني اهانوا ربنا اهانه كبيييييييييييييره بس ايه اللى يخلينا نستغرب منهم مااحنا دلوقتى بنعمل زيهم !! زيهم ازاى يعني ؟ يعني كام واحد فينا مخلى الكمبيوتر او التليفزيون او الموبايل هو الهه اللى بيقضى معاه الوقت كله مبيقدرش يستغنى عنه ولو 5 دقايق حتى يكلم فيهم الاله الحقيقى كام واحد فينا عبد لخطيته ومش قادر يسيبها ويقدم توبه لربنا كام واحد اهان ربنا اهانه كبيره وخلى الناس تتكلم عن المسيح بطريقه وحشه عشان كام واحد عمل وعمل وعمل ؟؟؟؟؟؟؟؟؟؟!!!!! بس مع كل ده ربنا كثير الرحمه ممنعش عنهم نعمه وعطاياه وده اللى بيعمله معانا مهما كان اجرامنا فى حقه بيفضل هو يطبطب ويحن ويستنى رجوعنا مهما كنا ناسيينه بيفضل هو فاكرنا ومستنينا اى قلب واى حب ده ياااااارب حقيقي انـــت ابــــرع جمــــــــــــالا مـــن بنــــى البشــــــــر
اذكــــــــرونــى فــى صلــواتكـــم
mrmr bent elbaba
|
