تاملات فى الاصحاح الاول من سفر نحميا من الايه 6 لــ 11

[بنتك يايسوع]

تاملات فى الاصحاح الاول من سفر نحميا من الايه 6 لــ 11

الايتين السادسه والسابعه بيقولوا
6 لتكن أذنك مصغية وعيناك مفتوحتين لتسمع صلاة عبدك الذي يصلي إليك الآن نهارا وليلا لأجل بني إسرائيل عبيدك، ويعترف بخطايا بني إسرائيل التي أخطأنا بها إليك. فإني أنا وبيت أبي قد أخطأنا
7 لقد أفسدنا أمامك، ولم نحفظ الوصايا والفرائض والأحكام التي أمرت بها موسى عبدك

ودول عباره عن صلاه جميله اوى لنحميا اولا انه نسي راحته ف القصر وقعد يصلى ليل ونهار علشان بنى اسرائيل يعني كمان مش عشان نفسه لكن عشان كل بنى اسرائيل كان مشغول جدا بخلاص غيره
كمااان بيقول لربنا بعترف بخطايانا اللى اخطانا بيها قدامك مع انه هو مأخطأش مع بنى اسرائيل ولا كان معاهم ف الشر اللى عملوه ومع ذلك اعتبره نفسه معاهم ومقلش انا مالى لا قال انا كمان سبب ف الشر اللى هما فيه
كمان بيقوله اننا افسدنا ومعملناش وصاياك اللى امرتنا بيها
يعني احنا بعملنا الخطيه وعدم تنفيذنا الوصايا بيفسد طبيعتنا الجميله اللى خلقها فينا ربنا بنفقد بنوتنا ليسوع
ــــــــــــــــــــــــــــــــــــــــــــ
الايات الثامنه و التاسعه والعاشره بيقولوا
8 اذكر الكلام الذي أمرت به موسى عبدك قائلا: إن خنتم فإني أفرقكم في الشعوب
9 وإن رجعتم إلي وحفظتم وصاياي وعملتموها، إن كان المنفيون منكم في أقصاء السماوات ، فمن هناك أجمعهم وآتي بهم إلى المكان الذي اخترت لإسكان اسمي فيه
10 فهم عبيدك وشعبك الذي افتديت بقوتك العظيمة ويدك الشديدة

هنا نحميا بيبين لنا حاجه مهمه اووووى اوووووووووووووى
الاول ف 7 بيوضح لنا مصير الناس اللى هاتخون ربنا وهو انه هايشتتهم بين الشعوب كتير بنلوم ربنا على انه بيسيبنا للناس تضطهدنا او يقتلونا او يضايقونا من غير سبب بس ده بيكون عشان خيانتنا ليه وتركنا ليه
لكن بيجي فى الايه 8 ويبين لنا مصير الناس اللى هاترجع لربنا وهو انه هايجيبنا من اقاصى الارض يعني مهما كان بعدنا عن ربنا او خطيتنا كبيره بمجرد ما نفكر نرجع لربنا هاينتشلنا من الخطيه ويرجعنا ليه ويسكنا معاه فى سماه فى المكان اللى اسمه القدوس فيه ونتمتع بعشره جميله وياه
ــــــــــــــــــــــــــــــــ
الايه الحاديه عشر بتقول
يا سيد، لتكن أذنك مصغية إلى صلاة عبدك وصلاة عبيدك الذين يريدون مخافة اسمك. وأعط النجاح اليوم لعبدك وامنحه رحمة أمام هذا الرجل. لأني كنت ساقيا للملك

ودي برضو طلبة رائعه من نحميا وانه بيطلب من ربنا انه مش بس يقبل صلاته لا كمان يقبل صلاة كل الناس اللى فعلا نفسها تعيش فى مخافة ربنا بس الخطيه مش مساعداهم وانه بيطلب من ربنا انه يكون معاه وينجحه ف كل عمل عشان يمجد اسم ربنا فى حياته
ـــــــــــــــــــــــــــ
وبكده يكون انتهى الاصحاح الاول من سفر نحميا

mrmr bent elbaba