|
 |
 |
 |
|
رقم المشاركة : ( 1 )
04 - 07 - 2026, 03:48 AM
|
|||||||||||
|
|||||||||||
|
أبونا بولس جورج بيحذرنا من 'الثعالب الصغيرة'
اللي بتسرق عمرنا وبتنكد علينا حياتنا.. عارفين الثعلب وهو لسه صغير؟ بيبقى شكله "كيوت" ولذيذ، بس لو دخل الكرمة (حياتك) بيكبر ويجيب جيش ثعالب وراه لغاية ما تلاقي حياتك فضيت من اي حاجة حلوة.. عشان كده، لازم نقفش الـ ٥ ثعالب دول ونطردهم بره: 👇 1️⃣ ثعلب 'التهاون': 🤏🚢 مفيش حاجة اسمها "بصة صغيرة" أو "كلمة عادية". الخرم الـ ٤ مللي يغرق ناطحة سحاب في البحر! اللي بيسرق "إبرة" بيسرق جمل، والتهاون بيمشي في الروح زي السرطان لغاية ما تلاقي نفسك بقالك شهرين ما صليتش قداس 2️⃣ ثعلب 'التبرير': 🗣️🎭 أخطر واحد فيهم! اللي بيخليك تقول "أصل الظروف.. أصل العمال مستفزين". آدم لما برر غلطته ربنا بقى "قاضي" عليه بدل ما يكون "محامي". بطل تكون شاطر في خلق الأعذار، وادخل اعترافك قول "أنا غلطت" من غير تبرير غلطك 3️⃣ ثعلب 'التأجيل': ⏱️☕ ده ثعلب "كمان شوية". مش هيقولك ما تصليش، هيقولك "اشرب القهوة الأول.. طب بص على الفيسبوك". لغاية ما الحرارة اللي جواك تبرد، وتقوم تصلي وإنت بتكروت ونفسك تخلص التوبة "دلوقتي" مش ١ يناير! . 4️⃣ ثعلب 'التدليل' (الدلع): 🛋️🍱 بقينا بنتساهل قوي! الصيام بقى "أشهى المأكولات" وتونة غالية، والصلاة بقت وإحنا نايمين، والقداس بنروحه على "التناول" ونقول أصل ابونا قداسه طويل لا، احذر.. وعوّد نفسك على التعب عشان ترتاح فوق 5️⃣ ثعلب 'الاكتفاء': 🎓🛑 إياك تحس إنك "كده تمام". ده اكتفاء كداب! اللي بيقول "أنا أحسن من غيري" زي الطالبة اللي جابت ٥٠٪ وفرحت وهي أصلاً ملمومة بالعافية. الحياة الروحية "توبة يومية" مالهاش حدود معينة وبتستمر لغاية آخر نفس. 🙏🙏🙏❤ 
|
|
| قد تكون مهتم بالمواضيع التالية ايضاً |
| الموضوع |
| ما هي هذه الثعالب الصغيرة |
| الثعالب الصغيرة للأدانة |
| الثعالب الصغيرة |
| الثعالب الصغيرة |
| ما هى الثعالب الصغيرة ؟ |
العرض الشجري