ساعات الإجابة مش ليه الإجابة تبقى لسه

[walaa farouk]

فيه لحظات في الحياة بنبقى عايزين نعرف “ليه؟”…
ليه حصلت التجربة دي؟ وليه الطريق طول كده؟
وليه الباب اللي استنيته مفتحش؟

بس ساعات الإجابة مش “ليه”، الإجابة تبقى “لسه”.
لسه ربنا بيجهّزك، لسه بيحضّر الطريق،
لسه بيكتب توقيت أدق من اللي إنت متخيله.

الكتاب المقدس بيقول: "صنع الكل حسنا في وقته،
وأيضا جعل الأبدية في قلبهم،
التي بلاها لا يدرك الإنسان العمل الذي يعمله الله
من البداية إلى النهاية." (جا 3: 11).

الانتظار مش عقوبة… الانتظار تدريب.
تدريب على الثقة، تدريب على الصبر،
تدريب إنك تسيب الدفة في إيد اللي شايف قدام أكتر منك.

ويمكن في اللحظة اللي تقول فيها “خلاص”،
تكتشف إن لسه ربنا بيقولك: “لأ، لسه الخير جاي.”