|
 |
 |
 |
|
رقم المشاركة : ( 1 )
30 - 09 - 2025, 07:02 PM
|
|||||||||||
|
|||||||||||
|
عيد الصليب مش مجرد ذكرى خشبة.. لكنه يوم بنفتكر فيه إن ربنا فتح لنا الطريق اللي كان مقفول من زمان.. لو رجعنا لأول صفحة في الكتاب المقدس.. هنلاقي إن سقوط الإنسان بدأ مع شجرة: آدم وحواء مدّوا إيديهم على شجرة.. وده خلّى باب الحياة يتقفل واتطردوا من الجنة.. ومن ساعتها الإنسان عايش تايه بعيد عن "شجرة الحياة".. بس في الجلجثة حصل العكس.. المسيح مدّ إيده على خشبة الصليب.. والباب اللي كان مقفول اتفتح من جديد.. الصليب بقى شجرة الحياة الجديدة.. اللى منها رجعنا ناخد الثمر اللي بيدي الحياة الأبدية.. وده اللي بنشوفه في آخر صفحة من الكتاب المقدس: سفر الرؤيا بيتكلم عن "شجرة الحياة" اللي أوراقها لشفاء الأمم.. يعني اللي اتقطع في عدن اتلحم تاني على الجلجثة.. ✦ لما نرشم الصليب أو نسجد تحته..إحنا مش بس بنفتكر الألم.. إحنا بنعلن إننا رجعنا نتغذى من ثمر الحياة اللي السيد المسيح رجّعه لينا.. الصليب مش علامة موت..الصليب هو الطريق المفتوح للحياة.. 
|
|
العرض الشجري