ســـــــألـــنـــــى مـــــــالـــــــــك

[فرونكا]

وقفت كعادتى اعاتبه
ما انا مخنوق ولازم اكلمه

قولتله فينك ياربى
بقالى كتير بنادى عليك
انت مبتردش عليا ليه
انا عارف انى زعلتك كتير
بس انت عمرك ما سبتنى
اوعى تكون نستنى

قربت ايأس يا ابويا
تعالى وانقذنى
الحقنى انا ابنك
كده متردش عليا
هنت عليك متسألش فيا

حقيقى بجد انا زعلان منك
فين ردودك فين افعالك
اوعى تكون سبتنى

اعدت اعاتبه عتاب قاسى اوى
ما انا مش فاهم لكن مخنوق اوى

رد عليا وبكل حنيه
قالى اقولك حاجه ومتزعلش منى
انت اللى بصراحه مستهتر
ده انا يامه بعتلك ردودى وكمان افعالى
لكن انت مخدش بالك
فاكر لما بعتهالك فى ايه جات فى التفزيون وعدت نفس الايه مع واحد قريبك
فاكر لما كنت فى القداس وابونا فى الوعظه قال كلام
فاكر لما فتحت الانجيل بالصدفه وقريت الايه
لكن انت ده كله محطتهوش فى بالك
ديما ببعاتلك ردى
مره واتنين ومليون
عمرى ما يئست وقولت ابنى مش سامعنى
لكن انت بالرغم من انى سامعك بتقول انى ناسيك
افتح كل رسايلى
فكر من تانى شوف انا رديت عليك كام مره
وبعد ده كله يا ابنى يا حبيبى جاى تعاتبنى

-----------------------------------------------------------------------------------------
حلو اوى لما نعاتب ربنا ونفضفض معاه وهو عمرة ما هيزعل مننا
لكن احنا المفروض قبل ما نعاتبه نشكره ونفكر مليون مره فى اى حاجه عملها عشانا
مين هيعمل كده
انا من دلوقتى هحاول اعمل كده
مين معايا ؟؟؟؟؟؟؟

[نونا بنت البابا]

ميرسى على المشاركة الجميلة
ربنا يعوضك

[فرونكا]

ميرسى كتير لمروك الجميل

[بنتك انا]

اشكرك يارب على كل حال
وفى جميع الاحوال
تعالى وانقذنى
الحقنى انا ابنك
كده متردش عليا
هنت عليك متسألش فيا
كلام روعة ميرسى يافيرو ربنا يباركك

[فرونكا]

ميرسى كتير لمروك الجميل

[Magdy Monir]

شكراً على مشاركتك الجميلة
ربنا يبارك خدمتك

[Hany Meshel]

مشاركة اكتر من رائعة
يا فرونكا

[Mary Naeem]

شكرا على المشاركة
ربنا يفرح قلبك

[فرونكا]

ميرسى كتير لمروكم