ســـــــألـــنـــــى مـــــــالـــــــــك

[daughter of king]

فى مره كده وانا قاعده مخنوقه
مضايقه وعاوزة اتكلم مع حد

سمعت صوت جوايا بيقولى
اتكلمى مع ربنا واشكيله

بصراحه فكرت
فكرت فعلا اشكى
لكن مش لربنا

جريت على مامتى احكيلها
ولكن ملقتهاش فاضيه ... فأضطريت اسيبها

جريت مسكت موبايلى
واتصلت بأعز اصحابى
اتكلمت كتير
لقيتها بتواسينى لكن مش حاسه بيا

حسيت فى ساعتها بحاجه بتقولى :
محدش بيحس بحد من الاول انتى ليه شكيتلها

دخلت جوة اوضتى وبكيت
وببص قدامى لقيت

لقيت صورته
كأنه بيقولى انا مستنيكى
صدقينى انا سألتك مالك

لما شفت نظرته ليا جوة الصورة
افتكرت لما سمعت الصوت اللى قالى اتكلمى مع ربنا واحكيله
وكـــأنه بيســــألنى مالك

هو عارف اللى فيا
بس مستنى اجى واحكيله

بصيت لصورته الحلوة وبكيت وشكيت وحكيت
لحد ما حسيت انى هديت
وفى لحظتها اتأكدت ان يسوع بس اللى حاسس بيا
وان هو لوحده اللى قادر يحسسنى بالامان ويبعد عنى الاحزان

اشــكــرك يـــارب لانـــى كـــل مــا بــنـســـاك بــلاقــيـــك انـــت فــاكــــرنـــى

**************************​***********
*لما تكون مضايق وتلاقى حد بيقولك صلى (ده صوت ربنا بيقولك مالك)
*لما تكون مخنوق وصوت جواك يقولك كلم ربنا (ده الروح القدس بتقولك احكى لربنا )
*لما تكون مكتئب وحاسس بالوحده وتدخل جوة اوضتك وتلاقى صوره المسيح قدامك (صدقنى هو بيسألك مالك )
* لما تكون حزين وتلاقى ايه بتعزيك (اعرف انه بيقولك انا جمبك )

لما تلاقى اى حاجه زى كده روح وكلمه متكسلش
لانه هيحس بيك اكتر من اى حد
لانه ديما بيسألك مالك مع انه عارف اللى فيك وعاوز يسمع منك
لانه ديما بيحبك وعاوز يساعدك ومبيستحملش يشوفك حزين


منقول

[Magdy Monir]

شكراً أختى راندا على مشاركتك الجميلة
ربنا يبارك حياتك

[daughter of king]

ميرسي يامستر لمرورك الجميل

[Hany Meshel]

مشاركة اكتر من رائعة
يا راندا

[daughter of king]

ميرسي لمرورك اهاني