ربنا مبيزهقش مهما وقعت قوم وابدأ من جديد

[Ramez5]

حاسس إن طاقتك النفسية تحت الصفر؟
حاسس انك واقع ومش قادر ولا عايز تقوم؟
👈 اتكلم عن الوجع اللي بيخلينا مش قادرين نتحرك خطوة لربنا وليه بنوصل للحالة دي👇
1️⃣ دوامة "الوقوع والقيام": 🔄
لما بتقع في نفس الغلط مية مرة الشيطان بيقنعك إنك "فاشل" وإن "الوقوع" هو طبيعتك فبتقرر تفضل واقع مكانك وتقول "ما أنا كدة كدة هقع تاني"
2️⃣ "كثير البدايات": 🏁
👈 تبدأ حماس شهر في الإنجيل
والصلاة وبعدين "تهبط" لما بتلاقي نفسك طالع نازل بتستسخف الطلوع وتقرر "تريح وتتغطى" في النزول
3️⃣ عقدة "أنا طبعي كدة": 😤
👈 بتصدق إن طبعك (زي الغضب) أقوى منك ومستحيل يتغير.
بتبقى كاره شكلك وإنت بتزعق بس بتقول "الطبع غالب" وده بيسحب طاقتك ويخليك تيأس من نفسك.
4️⃣ خرافة "أنا مش زي القديسين"⛪
👈 بتسمع عن اللي بيصلوا بالليل كله بتركيز وتبص لنفسك تلاقي "سرحان في سرحان" بتحس إن "الموضوع صعب"
وإنك بتغرق فبتقرر تبارك مكانك وما تحاولش
طب والحل؟ "محتاج تقوم" مفيش أوبشن تاني! 👇
✅ إلهك "يقيم أموات": ⚰️✨
لو إنت "ميت" روحياً ومش قادر تقوم نفسك ربنا قام بـ ٣ معجزات قيامة
(بنت يايرس، ابن أرملة نايين، ولعازر اللي كان بقاله ٤ أيام وريحته طلعت)
👈ربنا بيقولك: "لو إنت ميت وما تقدرش تقوم نفسك أنا أقدر أقومك لو ناديتني"
👈 ارمِي حِملك عليه بصراحة: 🗣️🙏 لو مالكش نفس تصلي،اقف قوله
"يا رب أنا ماليش نفس أصلي،لو عاوزني أصلي قومني إنت"
هو مستني بس إنك "تقرف من نتانة الخطية" وتطلب إيده.
👈 امسك في وعوده "اللي مابتكذبش": 📜💎 ربنا وعد وقال
"من يقبل إليّ لا أخرجه خارجاً"
يعني مهما كان "طين" خطيتك،لو رحت له هيبوسك ويحضنك زي "الابن الضال"
ومش هيعاتبك ولا هيطردك
👈 آخر لحظة ممكن تغير كل حاجة: ⏳🔥 افتكر "شمشون"
اللي قام في آخر لحظة، و"اللص اليمين" اللي اتخطف في آخر ثانية
👈 ربنا بيحب "الرجاء" ومبيحبش مصيدة اليأس
#اخيراً
👈حتى لو حاسس إنك "واقع" وطولت في الخطية طالب ربنا بوعوده وقوله "قومني" هو "إله يقيم أموات"
وهيرجعك "أبيض من التلج"
ربنا مبيزهقش مهما وقعت، قوم وابدأ من جديد! ❤️🙌

أبونا بولس