ازاي انسي اللي فات وابدأ من جديد ♥️

[walaa farouk]

محدش فينا هيقدر يقلل من عمق الوجع اللي مر بيه
ولا هيقدر يضحك علي نفسه ويقولها عند لحظه معينه
أنا فعلا تخطيت كل اللي وجعني لدرجه اني بقيت مش فاكره اساسا ..
يؤسفني اقول ان ده مش حقيقي لان ببساطه كل حاجه وجعتنا وكل شخص وجعنا هو سايب جرح ف قلبنا كل ما حاجه تيجي ناحيته ولو بالصدفه هيتفتح تاني كانّه لسه حاصل وف الغالب الوجع ده بيبقي تحت مسمي (الفقد) سواء أهل /صحاب/حبيب/شغل /فلوس /حلم
كل فقد وليه درجته من الألم والوجع .. فيه فقد منهم بنقدر نعوضه وفيه اللي مش بيتعوض العمر كله
الحقيقه اللي جايه اقولها اننا فعلا مش بننسي اي صوره فيهم كل اللي بيحصل اننا بنتأقلم او بنتعود او بنواكب الدنيا اللي احنا عايشينها اللي لازم تمشي ومينفعش تقف عند اي صوره من دول..
اللي بيحصل ف الواقع بقي ان ربنا حنين اوي وعادل اوي اوي مش بيرضي
ولا بيهون عليه نفضل مكسورين ولا موجوعين العمر كله ..
بيبعت لكل واحد اللي يعوضه علي حسب نوع الفقد اللي اتعرضله
ومع الوقت بنلاقي ان درجه احساسنا بالألم قلت ودي
كمان من نعم ربنا علينا ان الحزن فعلا بيتولد كبير وبيصغر مع الايام مش لأننا نسينا ولكن لأننا اتلهينا ف حاجات واحداث كتير جديده حصلت ف حياتنا بتساعدنا منفكرش ف اللي وجعنا وكانّه لسه حاصل وعشان فرحتنا بعوض ربنا بتدينا أمل ف بكره وفاللي جاي وبنعرف ف الوقت المناسب ان كله حقيقي كان لخيرنا ولصالحنا حتي لو وقتها مكناش شايفين ده🥀
~ مينفعش الدنيا تقف ولا انت كمان تقف عند نقطه واحده ومتطلعش منها لأنك ببساطه هتلاقي كل حاجه حواليك اتغيرت ومشيت وكملت وانت بس اللي ف مكانك بترجع لورا ومش بتتقدم ~
❗️ولو العياط والزعل عاللي فات بيرجعه كنا قضينا عمرنا كله نبكي علي كل حاجه خسرناها وكل شخص فارقناه❗️