|
 |
 |
 |
|
رقم المشاركة : ( 1 )
13 - 01 - 2026, 10:53 AM
|
|||||||||||
|
|||||||||||
|
دعوتك هاتحقق اليوم .. .. قصه صاحبها رفض يذكر اسمه بيقول.. من حوالى ٦ شهور كدا كان معايا مشكله فى الشغل واتحقق معايا ، والكل كان بيقولى دورلك على شغل تانى انت قرار الشركه هايطلع بفصلك .. انا كنت لسه مخلف ابنى ماكملش شهر والدنيا بدات تضيق قدام عينى والمصاريف بتزيد وماقتش عارف اعمل ايه . .. كل يوم اروح فيه الشغل اسمع اشاعات كتير، مره يقولو الشركه عاوزه توفر وظيفه ، ومره يقولو الشركه عاوزه خبره من بره ، وحاجات كتير ماتطمنش ابدااا .. دايما لما كنت اصلى بقول جمله واحده " انا واثق فى حكمتك وواثق انك مستحيل هاتسيبنى" كنت امسك ايد ابنى الصغير واخده فى حضنى فى عز التلج عشان اتدفى به ، كنت محتاج حد يحضنى ويقولى اتطمن ، كنت بتطمن به وفى نفس الوقت عايل همه خايف اوصل لمرحله مالقاش فيها لقمة العيش له .. لكن دايما كنت رافع عينى وبصلى منا ماليش غير ربنا اتسند عليه .. كانو صحابى فى الشركه يقولولى كلم المدير الفلانى يتوسطلك .. كنت اقولهم انا واسطتى وربنا لو قفل باب ماحدش يقدر يفتحه ولو فتح باب مستحيل حد يقدر يقفله مهما كانت سلطته .. المهم يوم ٢٠ ابريل سنه ٢٠٢٢ طلع قرار فصلى واخدت كل مستحقاتى ومكافأة نهاية الخدمه .. قعدت فى البيت لمدة شهر وانا نفسى اتقفلت تماما من الشغل فى الشركات وحسيت ان الموضوع مافيهوش امان .. وساعتها قررت افتح مشغل ملابس ودى كانت شغلانتى من عشرين سنه وعندى خبره فيها .. المهم حطيت جزء من فلوس المكافأه فى المشروع وبدات صغير وواحده واحده بقيت اكبر ودايرة العملا بتاعتى بدات تكبر وبقى عندى مصنع كبير ومكتب وخدمة عملا ... لغاية يوم ٢٠ يناير ٢٠٢٥ لاقيت حد من زمايلى فى الشغل جانى وقالى كلمه حلو قوى مستحيل انساها .. " انت نجحت عشان وثقت فى حكمة ربنا " ربنا قفلك باب رزق عشان مجهزلك باب رزق اوسع وافضل مليون مره .. ❤ 
|
 |
|
| قد تكون مهتم بالمواضيع التالية ايضاً |
| الموضوع |
| ربنا بيحبك عشان كدا بيجربك 🙏❤ |
| اغسل قلبك ❤ عشان تشوف ربنا ... 👌 |
| بيقول ربنا بيتلكك عشان يدخلك السما ❤ |
| ربنا مجهزلك تاج من دهب فيه الخير ليك |
| ربنا مجهزلك ... |
العرض العادي
