![]() | ![]() |
|
![]() |
|
|
|
أدوات الموضوع | انواع عرض الموضوع |
#1
|
||||
|
||||
![]() بنتي مدمنة ايباد وفرجة يوتيوب اوقات باخده من ايدها بالعافية وبالعياط علشان تاكل وماتركزش فيه بتقعد تقولي كلام يوجع انت خدته مني ليه .. انت بتزعلني ليه . . طالما مش بتحبني جبتوني من بطن ماما ليه كلام لجل الامانه بيوجعني .. بس بعمل نفسي قدامه مش مهتم واقولها لو خلصتي اكلك كله هاديهولك تاني لان طول ماهو قدامها مش بتاكل ولا بتحط لقمة في بوقها هي ماتعرفش اني باصص لمصلحتها وصحتها . . وعلشان نظرتي غير نظرتها بتتهمني بعدم الحب نفس الشئ اللي مؤمن بيه جدا لما تكون في نعمه وربنا يشيلها منك فده علشان يهيأك لنعمه اكبر فيها مصلحتك هاتقولي ازاي طول مانت متعود تعمل حاجه معينه عمرك ماهتفكر تعمل غيرها حتى لو فيها صالح ليك فربنا يجي ياخد منك الحاجه اللي عجباك مش علشان بيكرهك .. او علشان تلومه وتقوله جبتني الدنيا ليه طالما غاوي تعزبني لكن علشان يخليك تركز في سكة جديدة بالغصب فيها الصالح ليك هاحكيلكم قصة صغيرة كان فيه حد شغال في شركة ومرتبه نوعا ما كويس وفجأة مشي بدون اسباب .. وكل الدنيا اتقفلت في وشه بعد صراع مع النفس كبير .. وابواب كتير خبط عليها واتقفلت في وشه ، بدأ يفكر في حاجه بيحبها لقى نفسه موهوب في الطبخ .. فتح مطعم صغير والمطعم بدأ يكبر ويكبر ويكبر والمطعم بقى اتنين وتلاته واربعه ومديره اللي مشاه كان بيروح المطعم علشان ياكل هو واسرته ومش بيلاقي مكان يقعد فيه من الزحمه ساعتها صاحبنا عرف ليه ربنا خد منه النعمه .. وده لانه كان شايله نعمه اكبر بدخل ورزق اكبر بكتير بتخيل يوسف لو مكنش اترمى في البير كان ممكن يكون مصيره ايه !! كان هايتجوز ويخلف ويرعى غنم مع اخواته ده الحساب البشري لكن الحساب الإلهي .. كان متخططله يكون ملك انت كمان لو اصحابك رموك في البير والدنيا كلها جت عليك اعرف ان ربنا مجهزلك تاج من دهب .. فيه الخير ليك .... هاعتبرها رسالة ليا قبل ماتكون ليكم ؛ وربنا يسندنا جميعا |
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الخير مابيترميش فى البحر الخير بيتشال عند ربنا | walaa farouk | صورة وتعليق | 0 | 10 - 07 - 2024 09:30 AM |
ربنا بيكون مجهزلك فيه بداية لكل شيء | walaa farouk | موسوعة توبيكات مميزة | 0 | 23 - 09 - 2021 06:50 AM |
رينا بيكون مجهزلك فيه بداية لكل شئ !!👌 | Mary Naeem | موسوعة توبيكات مميزة | 2 | 08 - 06 - 2021 12:22 PM |
ربنا مجهزلك حاجات حلوة جدًا .. بس انت اصبر | sama smsma | موسوعة توبيكات مميزة | 5 | 24 - 05 - 2015 10:37 AM |
ربنا مجهزلك ... | Ƒ̐ὰ̗đƴ | موسوعة توبيكات مميزة | 0 | 09 - 02 - 2014 07:54 PM |