شخصيات كتابية نتعلم منها {عُرفة نسيبة راعوث}

[walaa farouk]

عُرفة نسيبة راعوث
معنى اسمها متصلب الرقبة أو عنيد
وهي زوجة كليون ابن نعمى
ونسيبة راعوث
تعالوا نتعرف اكتر على عرفة ونشوف هنتعلم ايه؟
1- عرفة وحياة التغيير
اختارت عرفة انها تتزوج من شخص يهودي وبعادات يهودية مع انها مؤابية وثنية
وعاشت حياة مختلفة عن حياتها
اتغيرت وربما مات زوجها لسبب اندماجه في عبادة الألهة الوثنية
2- عرفة والامتحان
في أول امتحان امتحنته عرفة لمعرفة مدى تغييرها رسبت في الامتحان
هل ترجع أورشليم وتعيش فعلا حياة طاهرة بعيد عن الأوثان ومؤاب
ولا تفضل في حياتها وترجع لحياتها الأولى
3- عرفة والفرصة الضائعة
عرفة زي يهوذا اللي عاش مع الرب يسوع له المجد وضاع
وزي ديماس اللي ترك بولس الرسول لما أحب العالم الحاضر
بعكس راعوث اللي تمثل اللص اليمين اللي دخل الملكوت باصراره وايمانه
ضيعت الفرصة انها تكون من سلسلة نسب المسيح له المجد
تعالوا نطبق اللي اتعلمناه
1- اطلب من ربنا وقول له "غيرني زي ما انت عايزني"
اهتم دايما بتغيير نفسك ولا تفكر في تغيير العالم زي ما انت عايز
2- استعد دايما للاختبار والتجربة وحافظ على نفسك انك تجتاز التجربة بشكر
لأن التذمر بيسقطك ويزيد مرارة التجربة
3- اغتنم الفرصة
اغتنم فرصة الدموع وصلي بدموع
اغتنم فرصة الحرارة الروحية واقرأ في الكتاب
اغتنم فرصة تبكيت الروح القدس واعترف وتوب
اليوم ان سمعتم صوته فلا تقسوا قلوبكم