سر العرقسوس فى التخمير
لو عايزة تعملي مثلا 2 لتر
المقادير
5 ملاعق كبيرة مسحوق العرقسوس
بودرة يعنى
ربع ملعقة صغيرة بيكاربوناتو
(بيكنج صودا- او – بيكاربونات الصوديوم)
(نفس الاسم يعني)
الطريقة:
خدوا بالكم بأه من الطريقة كويس علشان ديه اهم حاجة
بيحط العرقسوس في طبق كبير غويط
و يحط عليه البيكاربوناتو
و يقلب
و يرش عليهم ماية
يا دوب رش بسيط
بحيث العرقسوس يكون مِنَدِي كده مش مبلول
و نقلب كويس و نفتفته كويس بايدينا
(لا تقلقوا لون العرقسوس هيروح من ايدك بمجرد ما تغسليها)
و نسيبها ساعتين مثلا علشان تخمر
ولو عندك شمس ممكن تسيبية فى الشمس بيدى نتيجة افضل
يخمر ازاي بأاااه
يعني لون يتحول لاحمر خفيييف
و بعدين نجيب شاش نضيف و نحط العرق سوس فيه و نقفلها كويس
و نحطها في حاجة غويطة فيها حوالى نص لتر ماء
و نسيبها من بليل لتاني يوم علشان تكون نزلت كل العصارة اللي فيها
و نشيلها
ونزودها زى مانحب
واهم حاجة ان الشاشة دى متتحركش لانها لو اتحركت طعمة حيتغير ومش حيكون حلو
وحتشربى احلى عرقسوس واحلى كمان من الجاهز
منقووول
