قوي علاقتك بالروح القدس

[walaa farouk]

مهما سمعت من وعظات
مهما حضرت من محاضرات
مهما سمعت من ترانيم
مهما حضرت من لقاءات ومؤتمرات
وكل ده بتعمله عشان تعرف ربنا أسمحلي أقولك مش هتعرفه
اه مش هتعرفه🧐
لو أعتمدت على المعلومات وتجميعها أو على إللي بيقوله عنه الناس بس أو على حالة معينة تدخل فيها فتحس أنه راضي عنك ده مش هيخليك تعرفه..😑

حاجة واحدة بس هي إللي تخليك تعرفه "بجد": " هي العلاقة الحية الحقيقة مع الروح القدس" لأن هي دي إللي بتعرفك ربنا بعمق وبحق وحقيقي
وده بيحتاج منك أمانة حقيقة مش مجرد طقوس وممارسات بنعملها
اسمع القديس الرسول بولس بيقول أيه في رسالة أفسس: "وَأنَا أُصَلِّي أنْ يُعطِيَكُمْ إلَهُ رَبِّنَا يَسُوعَ المَسِيحِ، الآبُ المَجِيدُ، رُوحَ الحِكْمَةِ وَالإعلَانِ فِي مَعْرِفَتِهِ أكْثَرَ فَأكثَرَ. وَأُصَلِّي أنْ تَنْفَتِحَ أذهَانُكُمْ وَتَسْتَنِيرَ لِكَي تَعْرِفُوا......" وبعدين بيكمل وبيحط قائمة من الحاجات اللي بيصلي عشانها أنه يعلنها ليهم الروح القدس عشان عيونهم تتفتح ويعرفوها.
ببساطة كل ما هو روحي.. وكل ما هو من ربنا مش هتكتشفه بجد غير من خلال الروح عشان كدة بيقول بوضوح شديد في رسالة كورنثوس التانية: "فَلَا أحَدَ يَعْرِفُ أفكَارَ الإنْسَانِ إلَّا رُوحُ الإنْسَانِ الَّتِي فِيهِ، كَذَلِكَ لَا أحَدَ يَعْرِفُ أفكَارَ اللهِ إلَّا رُوحُ اللهِ. لَكِنَّنَا لَمْ نَنَلْ رُوحَ العَالَمِ، بَلِ الرُّوحَ الَّذِي يَأتِي مِنَ اللهِ، لِكَي نَعْرِفَ الأشْيَاءَ الَّتِي وَهَبَنَا إيَّاهَا اللهُ. وَهِيَ الأشْيَاءُ الَّتِي نَتَكَلَّمُ بِهَا وَلَمْ نَتَعَلَّمْهَا مِنْ بَشَرٍ، وَإنَّمَا هِيَ كَلِمَاتٌ يُعَلِّمُهَا لَنَا الرُّوحُ القُدُسُ، فَنُفَسِّرُ الحَقَائِقَ الرُّوحِيَّةَ بِكَلِمَاتٍ رُوحِيَّةٍ.

عايز تعرف إللي ليك عند ربنا بجد!
عايز تعرف ربنا بجد!
عايز تعرف ليه حاجات كتير بتحصل!
قوي علاقتك بالروح القدس
الروح القدس هو السر الحقيقي لعلاقة حقيقية مشبعة بربنا

معشرتوش_يبقى_متعرفوش