|
 |
 |
 |
|
رقم المشاركة : ( 1 )
05 - 08 - 2020, 06:17 PM
|
|||||||||||
|
|||||||||||
|
محفظة الأرملة
 البطل : أحد الخُدام البطلة : أرملة فقيرة المكان : إحدي قري الصعيد يحكي أحد الخدام قصة حدثت معه : رحت خدمة لقرية في الصعيد سنة ١٩٨٧ - وزعنا بركة على بعض الارامل وكانت " ٥ " أو " ١٠ " جنيه - بعد كده عملنا إفتقاد وخدمة كلمة عن " إيليا " .. - بعد الكلمة والاجتماع جت " أرملة " من اللي وزعنا عليهم البركة وأعطتيني " ١٠ قروش و١٠ قروش و٥ قروش و٥ قروش وقرشين وقرشين وقرش " مجموعهم " ٣٥ قرش " وقالت لي : يا ولدي .. ربنا باعت لك دول بركة عشانك .. - رديت عليها : كتر خيرك ، بركة كبيرة ، خليهم معاكِ ، .... ما قدرتش عليها ، وأصرَّت .. والخدام قالوا لي : ما تكسفاهش ، خدهم ، وإحنا ها نعوضها ، ما تكسفهاش - خدتهم وأنا مكسوف وصعبانة عليّ .. وبعد الاجتماع طلعت بره البلد واستنيت مكروباص عشان اركب وارجع البيت ، ومافيش مواصلات ! - ساعة ونص ، وجه ميكروباص فيه ٣ أو ٤ ركاب بس .. ركبت ومعايا ٢ أو ٣ وفي السكة ركبوا ٢ .. السواق مش طايق نفسه لان عدد الركاب ناقص .. وقبل ٥ كيلو من الوصول السواق قال : الاجرة يا بهوات .. حطيت ايدي في جيبي اشوف المحفظة مالقيتهاش ! الفلوس والبطاقة فيها ؟ طيب أعمل إيه دلوقتي ؟ واحد مادفعشي وكانت اجرته " ٢٠ قرش " .. السواق نزل اتخانق معاه وضربه قلم .. وجعني انا .. - يا رب .. أعمل إيه ؟ - وإفتكرت فلوس " بركة الأرملة " .. حطيت إيدي في جيبي وطلعت الفلوس وجيت أدفع الاجرة الأجرة " ٣٥ قرش " - دفعت الأجرة وأنا بأبكي .. يارب .. الست الأرملة دي مش بتعرف تحسب ؟ ولا تعرف ما سيحدث ؟ كيف " الدقة " في إرشادك ليها ؟ يا لعظمة البساطة التي يقودها الله ! تعلِّمت " درس لن انساه طول العمر " ! - تاني يوم رجعت البلد أكمّل الخدمة .. لقيوا محفظتي اللي ضاعت والبطاقة والفلوس ؟ - رجعت محفظتي ليّ .. لكن .. حصلت على " محفظة روحية " فيها " ثروة أنفق منها " ميراث روحي غالي .. الله يرعاني .. وهذه " الارملة " .. تمت فيها الآية حرفياً : أقتباس كتابي كَفُقَرَاءَ وَنَحْنُ نُغْنِي كَثِيرِينَ (٢ كو٦ : ١٠) 
|
 |
|
| قد تكون مهتم بالمواضيع التالية ايضاً |
| الموضوع |
| الأرملة وقاضي الظلم - الأرملة المظلومة |
| سر محفظة أوقعت فتاة فريسة لـ3 ذئاب بالجيزة |
| محفظة ذكية عينها على النشالين |
| بالصورة طريقة صنع محفظة صغيرة للموبايل |
| ميفعة |
العرض العادي
