خلاص اتركنت علي الرف

[Rena Jesus]

تخيلي
بعد عشره طويله مع جوزك وعلاقه مليانه حب واهتمام ودلع
من الاخر كده انت بالنسباله الدنيا وما فيها

في يوم من الايام دخل عليكي وفي يده بنت قمر
وبيقولك دي هتعيش معانا يا حبيبتي
انا بحبها ولازم تعيش معانا
وانت حاولي تتقبلي وجودها لاني مقدرش استغنى عنها

انت هتعملي ايه؟
طبعا متخيله دلوقتي ردود افعال الستات اللي بتقرأ الموضوع ده
بصي يا ستي
مشاعرك دلوقتي مش هتختلف كتير عن مشاعر الطفل الاول،
لما يجيله اخ أو اخت تاني
ويبتدي البيت كله يهتم بالطفل الجديد وطول الوقت احضان وبوس وانبهار بيه،
وطول الوقت تتكلموا عنه
وحتي الناس اللي بتدخل البيت، كل اهتمامهم رايح للطفل الجديد
واكان الكل مبقاش شايف خالص الطفل الاول

هو في الوقت ده
بيكون فيه لخبطه شديده في مشاعره وابتدا يقلق
وبيكون جوه سؤال مهم
هو انا لسه ليه اهميه عندهم، ولا خلاص انا اتركنت علي الرف
وعلشان هو طفل صغير
في الغالب مش بيعرف يعبر بشكل مباشر عن مشاعره
فتلاقي سلوكياته اتغيرت وبقي غريب عن الطفل اللي كنت تعرفيه قبل كده

علشان كده مهم
لو فيه طفل جديد جاي
ادي وقت لابنك الاول كل يوم ليه هو بس
اكدي كل شويه علي حبك ليه علشان يطمئن
احضنيه كتيرررررر والعبي معه علي قد ما تقدري

[walaa farouk]

علشان كده مهم
لو فيه طفل جديد جاي
ادي وقت لابنك الاول كل يوم ليه هو بس
اكدي كل شويه علي حبك ليه علشان يطمئن
احضنيه كتيرررررر والعبي معه علي قد ما تقدري

ربنا يبارك خدمتك الجميلة

[Mary Naeem]

ادي وقت لابنك الاول كل يوم ليه هو بس
اكدي كل شويه علي حبك ليه علشان يطمئن
احضنيه كتيرررررر والعبي معه علي قد ما تقدري

صح يا قمر
ربنا يباركك حببتي

[Rena Jesus]

ميرسى لمروركم الغالى