| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
09 - 04 - 2019, 10:49 PM
|
||||
|
||||
 ورينى عيونك ملياها ليه بالدموع يعنى انتى عجبك اكون عليكى موجوع . مش واثقه فيا ولا خايفه وبتقولى تقلان عليا . ماليا قلبك بالقلق وافكار فى دماغك بتضعفك وتجهدك . والاستعجال خلا جواكى 100 سؤال من غير اجابات تقنعك . شعرك طأطأ من الخوف وعنيكى دبلت ومبقتش تشوف وعصره قلبك كل يوم تملا الكفوف مر وهوان . نسيتى انك عروسه جميله بتكحل بس من نظره عنيها . ونسيتى انى ضعيف قدامك مشتاق لحسن ودلالك ودموعك عنى حوليها وجعتلى قلبى من الحزن عليكى . نسيتى انى صورتك وانتى لسه من الدنيا غايبه ولا نسيتى انى رسمتك وفى ايدى ماسكك لحسن تتكعبلى وتقعى ف فخ وبير غويط زى العصفور بنجدك منه ومن غدر الصياد اللى بيهلك . نسيتى انى امبارح كنت معاكى ومهرك دفعته وفداكى وجوه ضلوعى حفرتلك بيتك وبقلبى كمان غطيتك . نسيتى من كان يجرى ينجدك وف المخاطر كان يقف يسندك ويرفعك ويحول نحيبك لضحكات . نسيتى ان عشقى ليكى خلانى اتنازل كتير عشان ارضيكى . نسيتى لما قلبك خلى بيكى وكسره جرحك وكان خلاص هيموتك مين لم فتافيته وتانى صحى الامل فيكى . نسيتى كم مره من غير مايطلعلك صوت كنت انا حاسس بيكى ومقهور عليكى . اعد كمان ولا كفايه اقول كمان كام مره فضلت مستنيكى وعلى بابك بناجيكى ورغم كسفتى مازهقتش وعشمت فى مره تفتحى واحاكيكى . خاطرك اتكسر مره ولا اتنين انى سكت ومردتش عليكى طب افتكرى كدا كام سنه اعد اكلم فيكى وانتى الشيطان كان مكلبش فيكى ولهيكى وانتى منعانى احررك وافديكى . سيبك من كل دا المهم تعرفى وتتأكدى انى انا بدووووب فيكى . انا بعشقك وجايب العشا ومستنيكى - نسيت كل اللى كان وهمنع عنك الاحزان وهفتح لك للافراح كل البيبان وهتنازل عن حقى بس مش هسيبك فريسه للشيطان . قومى البسى واتزينى بالتيجان واستنيرى بوجهى وخدى من بهائى ومجدى وشمسى عليكى تبان . عاوزك عروسه تزينى عُرسى واتباها بيكى وتبقى زى القمر تمام وارقص معاكى بفرح واكتبلك نصيبك فى ورثك واختمهولك كمان . عاوز اكحل عيونى بضحتك واقفلهم عليكى لتطلعى وارجع ادور عليكى فى كل الوديان . عاوز ايدى فى اديكى وزفتك تتحكى على كل لسان ويقولوا اجمل عروسه بتتزف والحُسن اللى فيها مع عريسها بان يابختها بيه نورها بيه لما فتحت ليه لبسها اجمل تيجان 
|
|
#2
10 - 04 - 2019, 03:36 AM
|
||||
|
||||
|
الله .الله. الله
رووووووووووووووووووووووووووووعة يا ولاء بجد ايه الكلام الممسوح بالروح ده ربنا يزيدك نعمة
|
|
#3
10 - 04 - 2019, 12:01 PM
|
||||
|
||||
|
سيبك من كل دا المهم تعرفى وتتأكدى انى انا بدووووب فيكى .
انا بعشقك وجايب العشا ومستنيكى - نسيت كل اللى كان وهمنع عنك الاحزان وهفتح لك للافراح كل البيبان وهتنازل عن حقى بس مش هسيبك فريسه للشيطان رووووووووووعة حببتي ربنا يفرح قلبك
|
|
#4
12 - 04 - 2019, 08:28 PM
|
||||
|
||||
|
ميرسى على مروركم الغالى 
|
|
#5
01 - 06 - 2019, 06:02 PM
|
|||
|
|||
|
حقيقي روح ربنا بيقودك وساكن جواكي
انتي وكل ادمنز المتتدي ربنا يباركم ويستخدمكم
|
|
#6
02 - 06 - 2019, 12:35 AM
|
||||
|
||||
|
ميرسى على مرورك الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| أحضرت قارورة طيبي جلست دون رقيب انتظر ربى حبيبي بلهفة وبشوق | Mary Naeem | صورة وتعليق | 0 | 20 - 07 - 2024 09:48 AM |
| جلسة في حضرة حبيبي | Mary Naeem | الترانيم المكتوبة | 0 | 18 - 01 - 2021 07:18 PM |
| جلسة فى حضرة حبيبى | walaa farouk | صورة وأية من الكتاب المقدس | 6 | 02 - 10 - 2016 02:37 PM |
| جلسة فى حضرة حبيبى | abraam | صورة وأية من الكتاب المقدس | 4 | 16 - 09 - 2013 11:19 AM |
| حبيبي يسوعي.. حبيبي يسوع | joy | الترانيم المكتوبة | 0 | 08 - 06 - 2012 11:32 AM |
العرض العادي
