نصائح مهمة ل حديثي الولادة

[sama smsma]

نصائح مهمة ل حديثي الولادة
نصائح بعد الولادة


١. بلاش تكحيل العيون ..
٢. بلاش جلوكوز ..
٣. بلاش رش الكحول علي السرة مباشرة ..
٤. بلاش اعشاب من اول يوم خليها من الشهر التاني ..
٥. السكر ممنووووع ..
٦. العسل كمان ممنووووع ..
٧. الملح ممنوووووع ..
٨. بلاش من البودرة ..
٩. بلاش بيبي اويل ..
١٠. بلاش برفان حتي لو مخصص للأطفال ..
١١. بلاش رباط للسرة خالص ..
١٢. بلاش تتأخري في طهارة الولد .. و بلاش كحول علي الجرح مباشرة .
١٣. نخفف من الماء الغريب .
١٤. دينتينوكس دوا زي اي دوا مينفعش نفضل عايشين عليه من غير منراجع مع دكتور .. بلاش مع كل رضعة دينتينوكس ..
١٥. بلاش تنيميه جمبك علي نفس السرير عشان النفس و الإختناق ..
١٦. بلاش ترضعيه و تنيميه علي طول عشان الحموضة و الإرتجاع .. شيليه شوية في وضع عمودي ..
١٧. متنسيش تطعيم الإلتهاب الكبدي ب في اول يوم ..
١٨. بلاش شاور كل يوم سواء في الصيف او الشتا ..
١٩. بلاش تكييف ولا مراوح مباشرة و راعي درجة حرارة ٢٥° بسسس ..
٢٠. درجة حرارة مياه في اثناء الدوش بتكون ٣٠ ل ٣٥ بس مش ٤٠ ولا ٥٠ فيما فوووق حرااااام ..
٢١. الشاور بيكون قبل النوووووم مش الصبح خالص ..
٢٢. بلاش سكاتة علي قد متقدري ..
٢٣. بلاش تمنعي مص الأصابع بسكاتة برضو ..
٢٤. رضعي وانتي عندك برد عادي بس ابعدي نفسك عن نفسه اثناء الرضاعة .
٢٥. ادي نقط سي فيت من الشهر التاني ..
٢٦. متديش حديد لو هترضعي صناعي ..
٢٧. متديش حديد قبل الشهر الرابع لو بيرضع طبيعي ..
٢٨. متديش فيتامينات من نفسك اصلا ..
٢٩. السخونة مش معناها ان جسم الطفل ناقصه مضاد حيوي ..
٣٠. متديش مضاد من نفسك ..
٣١. متكرريش دوا من نفسك ..
٣٢. متسمحيش لأي دكتور او صيدلي يدي حقن لإبنك في العضلة الخلفية مهما حلفلك ان دا اي كلام بيتقال و عادي ..
٣٣. متديش قطرات عين من نفسك مسموحلك بس ب توبرين مرتين في اليوم ولو فضل عينه فيها التهاب او عماص اكتر من يومين روحي لدكتور ..
٣٤. متشيليش صمغ الودان من نفسك غير لما دكتور يقولك اعملي كدة .
٣٥. متنسيش تغسلي ايد و رجل ابنك لإنه بيحطهم في بقه..
٣٦.بلاش من بطة البانيو ..
٣٧. بلاش لبوس لطفل اقل من شهرين ..
٣٨. بلاش تدخلي اللبوس لأخر الشرج لإنه كدة مش هيشتغل اصلا ..
٣٩. ذوبان اللبوس مش معناه انه مشتغلش وانك محتاجة جرعة تانية ..
٤٠. محلول الجفاف اهم من المطهر لعلاج الإسهال ..
٤١. محلول الجفاف بيتعمل بمياه مغلية من قبل و فاترة و بيتاخد كل م الطفل يعمل اسهال ..
٤٢. بلاش تستخدمي ليفة خالص في البداية الطفل اصلا جلده حساس ..
٤٣. بلاش وايبس "مناديل مبللة" كل مرة نغير فيها الوايبس دي عشان لو برة البيت ..
٤٤. اوعي تقشري اي جلد من علي جسمه بعد الولادة ..
٤٥. اوعي تقشري اي جلد من راسه لو مقشرة حتي لو استمرت القشرة دي لأكتر من شهرين ..
٤٦. قشرة الشعر بعد الولادة مش بتتعالح بشامبو قشرة دي حالة اسمها #قلنسوة_المهد علاجها نقطتين زيت زيتون دافي مساج للفروة قبل متغسليها ..
٤٧. هوي جلد الطفل قبل لبس البامبرز ..
٤٨. اعملي مساج كتير لأبنك خصوصا علي ضهرة عشان يتخلص من الغازات و تحركي الدورة الدموية ..
٤٩. بلاش موضوع مهو كل و غير و خد الدوا مش هشيله لو عيط عشان يتعلم يهدي نفسه ،، دا غلط و بيأثر علي نفسية الطفل ..
٥٠. بلاش تعالجي ابنك علي السوشيال مديا مع الامهات ...

الإحصائيات بتأكد ان سبب اكتئاب الأمهات و خوفهم الزيادة بتكون نتيجة مشاركة خبرات سيئة للأمهات التانية علي السوشيال مديا ،،

بمعني لو قريتي مشكلة من أم تانية ممكن تفضلي مركزة معها و تتأثري بيها و تخزنيها في عقلك الباطن وانتي مش واخدة بالك ، و علي الاغلب بتحصلك مشكلة تانية وانتي مش واخدة بالك ..
و ممكن ميحصلكيش حاجة خالص بس خلاص انتي قفلتي و اكتئبتي

دي اكتر النصايح اللي حبيت اديهالكم اكيد مختلفة عن اي حد سمعتوه و اتمني تفيدوا بيها غيركم من الأمهات

[Mary Naeem]

شكرا على النصائح
ربنا يباركك

[walaa farouk]

ميرسى على النصائح يا سمسمة