اركضي على اثار الغنم

[walaa farouk]

وانا طول عمري اقوله يارب دخلني السماء حتي لو هتشعبط في آخر صف
وبعدها بقيت اقول ليه ماطمعش في الصفوف الأولى اتاري الأخير برضوا ليه حلاوه وطعم تاني.
======================================
= النهاردة وهما بيعدوا من قدام البيت .. لقيتهم ماشيين ورا بعض بالشكل ده ..
اول آية رنت في وداني ونورت في قلبي هي :

" إِنْ لَمْ تَعْرِفِي أَيَّتُهَا الْجَمِيلَةُ بَيْنَ النِّسَاءِ، فَاخْرُجِي عَلَى آثَارِ الْغَنَمِ،
وَارْعَيْ جِدَاءَكِ عِنْدَ مَسَاكِنِ الرُّعَاةِ." ( نش 1 : 8 )

قلت في سري كدة يارب الغنمة الجميلة اللي هترجع لك هتبقى في اخر الصف


.. هتتعب قوي من صغر النفس ..
ومازالت بردو بعيدة عنك علشان مش بتعرف تركض وتحصل اول صف ..
وانا بفكر في كدة .. لقيت الراعي جي وراهم و سايب مسافة صغيرة بينه وبين اخر غنمة ..
وكأنه بيرد علي ..
ان اللي في اخر الصف متمتع بقربه للراعي ..

ومتمتع بحنانه وحبه :

" لأَنِّي أَرْوَيْتُ النَّفْسَ الْمُعْيِيَةَ، وَمَلأْتُ كُلَّ نَفْسٍ ذَائِبَةٍ. عَلَى ذلِكَ اسْتَيْقَظْتُ وَنَظَرْتُ وَلَذَّ لِي نَوْمِي. " ( ار 31 )

غير انه سايب مسافة صغيرة لكل غنمة بتبص على الراعي بحسرة ونفسها تنضم للقطيع .

. بس مش عارفة

خدي قرار يا غنمة يا جميلة واركضي على اثار الغنم .. وثقي ان الراعي عارف ضعفك
و فاتحلك حضنه وهيعتني بك .
. سايب لك مسافة و حاجز لك مكانك وواقف في اخر الصف بيشاورلك بعصايته ( صليبه )
ومستنيكي .. ❤

[Mary Naeem]

. سايب لك مسافة و حاجز لك مكانك وواقف في اخر الصف بيشاورلك بعصايته ( صليبه )
ومستنيكي ..

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى