اثار خطواته

[walaa farouk]

مجموعة من أصحابي طلعوا رحلة صيد فى واحدة من صحاري مصر المعروفة.
كانوا مستمتعين بوقتهم، وبعد أول ليلة ليهم،
قرر واحد فيهم يبعد شوية عنهم وياخد صور لمنظر الشروق الجميل 🌤️
فضل ماشي ومش حاسس إنه بعد أوي. وبعد ما خلص تصوير📷،
حاول يرجع تاني لمكان الخيمة. لكن للأسف الصحرا قدامه كانت كلها شبه بعض.
فضل ماشي كتير🚶🏻 ساعة اتنين تلاتة لكن برضه مفيش فايدة.
المياه اللي معاه خلصت وبدأ يفقد الأمل إنه ممكن يرجع.
عدت ساعات كتير⏱️ علي غيابه وبدأ أصحابه يقلقوا عليه أوي.
فكر واحد فيهم إنهم يستعينوا بواحد من بدو المنطقة يساعدهم يدوروا عليه.
جه البدوي وبدأ يمشي ورا آثار خطوات صاحبنا التايه لغاية ما لقوه واقع على الأرض مغمي عليه.
بعد ما سمعت اللي حصل مع صاحبنا ده، قعدت أفكر هو أنا ماشية ورا آثار خطوات مين❓
لو كان المسيح مكاني في أي موقف أنا بعدي بيه هيعمل إيه ويتعامل إزاي مع اللي حواليه؟
- هل هيكذب! أصلها كذبه بيضه ومش هتضر حد.
-هل هيمشي في طرق معوجه علشان يرضي أصحابه.
-هل يمشيها مجاملات ورشاوي علشان يوصل لمنصب أعلى،
وهل وهل وهل وخد من ده كتير ومتعدش .......)
بشجعك وبشجع نفسي😊 إنك تسأل نفسك أنت ماشي وراه ولا ماشي وراء حد تاني؟
لو اخترنا نمشي لوحدنا هنقع ونتوه ومش هنعرف نوصل لحاجه،
بالظبط زي ما الكتاب بيقول 📖
وَرَاءَ ٱلرَّبِّ إِلَهِكُمْ تَسِيرُونَ، وَإِيَّاهُ تَتَّقُونَ، وَوَصَايَاهُ تَحْفَظُونَ،
وَصَوْتَهُ تَسْمَعُونَ، وَإِيَّاهُ تَعْبُدُونَ، وَبِهِ تَلْتَصِقُونَ. (اَلتَّثْنِيَة ١٣:‏٤)