مشكلة وعاوزة ارائكم كلكم

[Mena Delpiero]

شكرا يا ريم ع تقديمك لموضوع خطير واللي بنعيشه كتير في مصر وكل البلاد العربية تقريبا

لو اتعمقنا في الموضوع ليس المشكلة في ناس يتركوا دينهم بس لكن كمان
في ناس مسيحين بالاسم بس .... ممكن اكون انا واحد منهم.... لازم يبحث الشخص عن خلاصه الابدي
اما عن اصل المشكلة كتير بيكون الاصل في البيت والاهل وبعدها الكنيسة وخدمة الكنيسة لشعبها
لكن دي كلها طبعا مش مبررات ابدا لكنها اسباب
لكن فعلا عقليا وكل شئ مفيش حاجة تستحق ان اترك المسيح لاجلها


كمان من نتائج ترك ناس لديانتهم تصبح اسرهم مهدومة ويكون موقف صعب علي اسرهم
انا في بلدي حصلت حالة غريبة فتاة اساسا متزوجة من مسيحي لكن كان ليها علاقة غير محترمة مع شاب مسلم
واللي حصل بعدها لم اكتشفوا االاهل الموضوع وظبطوا الاتنين مع بعض تم قتل الفتاة والشاب من خلال اسرة الفتاة المسيحية
ورد اهل الشاب المسلم علي مقتل ابنهم بعد فترة علي اهل الفتاة بالقتل تم قتل اكثر من 9 اشخاص منهم رجال ونساء واطفال من المسيحين من اهل الفتاة
والغريب ان كل اللي ماتوا لم يكن لهم دخل بالموضوع غير انهم اقرباء الفتاة

وحتي لم بيحصل ان ناس تسيب المسيح كمان الناس دي بترجع بعد سنين لم فعلا تتذوق مرارة التجربة
وفي عندنا ناس كتير في مصر بتحاول ترجع الان وعندهم مشكلة في ارجاع الديانة في خانة البطاقة
وكمان في ناس كانت بعيدة عن المسيح ومن ديانات اخري لكن بنعمة ربنا استطاعوا ان يقابلوا المسيح
وصار ليهم ربا ومخلصا ومنهم مصعب حسن يوسف وهو فلسطيني

الحلول

المفروض الاهل لازم يكونوا مسؤلين عن ابنائهم مش بس بتوفير اشياء مادية اكل وشرب ولبس لكن
المشاعر من حب وطيبة واهتمام ورعاية لان الاباء و رجال الدين سيسالؤن عن كل شخص فقد من الرعية
كمان التاسيس منذ الصغر في مثل ( التعليم في الصغر كالنقش ع الحجر ) يعني الطفل لم يكون مبني علي حياة مسيحية
منذ الصغر اختبر الحياة المسيحية اكيد هيكبر عنده وعي ومفيش حد هيضحك عليه ومش هيساوي شئ بالدنيا بمحبة المسيح
كمان دور الكنيسة الافتقاد والرعاية لابنائها

لكن كمان نشوف الموضوع من منظور كتابي
في الكتاب المقدس يوجد ايات تتحدث عن حدوث ارتداد من ناس عرفوا المسيح
اثناء خدمة المسيح علي الارض كان يتبعه ناس كثيرون ولكن لم شافوا انه مملكته ليست من هذا العالم تركوه
يوحنا 6:66
من هذا الوقت رجع كثيرون من تلاميذه الى الوراء ولم يعودوا يمشون معه.
كمان من ضمن اعلانات عن قرب مجئ الرب هي ازمنة الارتداد
2 تسالونيكي 2:3
3 لا يخدعنكم احد على طريقة ما.لانه لا ياتي ان لم يات الارتداد اولا ويستعلن انسان الخطية ابن الهلاك

اهم شئ لينا اننا نتحصن بالرب ونصلي دايما ونصلي لاجل الاخرين من لم يعرفوه او تركوه ان يفتح الرب عيونهم
لان مهما عملنا من مجهودات عشان نتصدي للمشكلة مش هيحصل نتائج لان كما بالاية
ان لم يبن الرب البيت فباطلا يتعب البناؤون. ان لم يحفظ الرب المدينة فباطلا يسهر الحارس.
لم نشوف زمن الارتداد ده انذار لينا ان مجئ الرب قريب لازم نكون مستعدين
لأن لي الحياة هي المسيح، والموت هو ربح
الرب قادر ان يحفظ الجميع في حقه ولا يفقد احد ربنا يباركك يا ريم ويحافظ عليكي